Almatyda ańsyz aınalymnan pnevmatıkalyq qarýdyń partııasy anyqtalyp, sýyq qarýǵa jatatyn zattar tárkilendi. Atalǵan derek boıynsha qylmystyq is qozǵalyp, qazirgi ýaqytta qajetti tergeý amaldary júrgizilip jatyr, dep habarlaıdy Egemen.kz.
Polısııa málimetinshe, qyzmetkerler kún saıyn mekenjaılyq tekserýler ótkizip, jedel-profılaktıkalyq is-sharalar júrgizip jatyr.
Shetel azamattarynyń Qazaqstanǵa qarý-jaraq alyp kelýi, saqtaýy qanshalyqty zańdy?
Júrgizilgen maqsatty jumystar bastalǵaly beri aýdandyq polısııa bólimsheleri zańsyz aınalymnan 619 birlik tyıym salynǵan zatty tárkilegen. Anyqtalǵan faktiler boıynsha sotqa deıingi tergep-tekserý amaldary bastaldy.
«Qarý-jaraqtyń zańsyz aınalymy, sonyń ishinde ony áleýmettik jeliler arqyly satý qoǵamdyq qaýipsizdikke tikeleı qaýip tóndiredi. Árbir mundaı quqyqbuzýshylyq – neǵurlym aýyr qylmystardyń jasalý qaýpin arttyrady. Polısııa ınternet keńistigin turaqty túrde baqylap, jedel áreket etedi. Bul baǵyttaǵy jumys jalǵasady jáne kúsheıtiledi», dedi Almaty qalasy PD qoǵamdyq qaýipsizdik basqarmasynyń bastyǵy Tımýr Noǵaıbaev.
Almatyda qańtar oqıǵasy kezinde urlanǵan qarý tabyldy
Polısııa ınternet keńistigine turaqty monıtorıng júrgizý arqyly budan ózge de zańsyz saýda arnalary anyqtalyp jatqandyǵyn jetkizdi.
Nurbolat AMANBEK