Memlekettik keńesshi Erlan Qarınniń aıtýynsha, elde bıyl naýryz aıynda ótken referendýmda qabyldanǵan jańa Konstıtýsııanyń negizgi erejeleri men qaǵıdattaryn iske asyrý boıynsha júıeli ári kezeń-kezeńimen jumys jalǵasyp jatyr, dep habarlaıdy Egemen.kz.
Búgin Parlament Palatalarynyń birlesken otyrysynda depýtattar úsh zań jobasyn birinshi oqylymda qarady. Olar jańa konstıtýsııalyq quqyqtyq arhıtektýrany qalyptastyrýǵa baǵyttalǵan.
Atap aıtqanda, qaralǵan qujattar:
«Qazaqstan Respýblıkasynyń Prezıdenti týraly» konstıtýsııalyq zańnyń jańa redaksııasy – 8 taraý, 43 baptan turady; «Qazaqstan Respýblıkasynyń Quryltaıy jáne onyń depýtattarynyń mártebesi týraly» konstıtýsııalyq zańnyń jańa redaksııasy – 12 taraý, 60 bap; «Qazaqstan Respýblıkasyndaǵy saılaý týraly» konstıtýsııalyq zańǵa ózgerister men tolyqtyrýlar engizý týraly zań jobasy.Erlan Qarınniń pikirinshe, usynylyp otyrǵan ózgeristerdiń negizgi maqsaty – qoldanystaǵy zańnamany jańa Konstıtýsııaǵa tolyq sáıkestendirý, sondaı-aq memlekettik-saıası modeldi ınstıtýsıonaldyq turǵydan jańartý.
Erlan Qarın Prezıdenttiń nege Táýelsizdik pen Egemendik sózderin bas árippen jazatynyn túsindirdi
Sonymen qatar reformalar eldiń saıası jańǵyrýyn júıeli quqyqtyq negizge kóshirýge baǵyttalǵan. Bul rette jańa normalar memlekettik basqarý júıesiniń tıimdiligin arttyrýdy kózdeıdi.
Memlekettik keńesshi atap ótkendeı, zańnamany úılestirý prosesi jáne Quryltaıǵa qatysty aldaǵy saılaý el damýynyń jańa kezeńin aıqyndaıdy. Bul kezeń «Ádiletti Qazaqstan» qaǵıdattaryna negizdelgen konstıtýsııalyq damý baǵytynyń bastaýy retinde baǵalanyp otyr.
Erlan Qarın: Konstıtýsııalyq reforma – qoǵam birligi men halyq yntymaǵynyń aıǵaǵy