Qytaıda eki burynǵy qorǵanys mınıstri jemqorlyq faktileri boıynsha sottalyp, olarǵa shartty túrde ólim jazasy kesildi, dep jazady Egemen.kz.
Sot sheshimine sáıkes, 72 jastaǵy Veı Fenhe men 68 jastaǵy Lı Shanfý para alǵany úshin kináli dep tanylǵan. Eki sheneýnikke de ólim jazasy taǵaıyndalyp, onyń oryndalýy 2 jylǵa shegerilgen.
Lı Shanfý 2023 jyly Qytaı Qorǵanys mınıstrligin basqarǵan, ol bul qyzmette Veı Fenheni almastyrǵan. Alaıda onyń qyzmet merzimi nebári 8 aıǵa ǵana sozylǵan.
Polıseılerdi robottar almastyra ma? Qytaı kóshelerine «temir saqshylar» shyqty
Sot úkimine sáıkes, 2 jyldyq synaq merzimi aıaqtalǵannan keıin olardyń ólim jazasy shartty túrde ómir boıyna bas bostandyǵynan aıyrý jazasyna aýystyrylady, ári merziminen buryn bosap shyǵý quqyǵy berilmeıdi.
Qytaı bıligi bul isti jemqorlyqqa qarsy kúrestegi qatań saıasattyń bir bóligi retinde qarastyryp otyr.
Qytaıda feıerverk zaýytynda jarylys boldy: 21 adam qaza tapty