Oblys ákimi Mahambet Dosmuhambetov "Biz Birgemiz!" aksııasyna qatysqan volonterlarǵa Elbasynyń alǵys hatyn tabystady, - dep habarlaıdy Egemen.kz.
Nur Otan partııasy Atyraý oblystyq fılıalynyń tóraǵasy, oblys ákimi Mahambet Dosmuhambetovtiń málim etýinshe, óńirde "Biz Birgemiz!" aksııasy aıasynda 9000-nan astam otbasyǵa 222 mıllıon teńgeniń kómegi kórsetilgen. Atap aıtqanda, jalǵyzbasty qarttarǵa, turmysy tómen kóp balaly otbasylarǵa, erekshe qajettilikteri bar azamattar men basqa da muqtaj jandarǵa áleýmettik paketter úlestirilgen. Azyq-túlik sebetin 300-den asa partııa belsendileri men eriktiler jetkizip bergen.
"Elbasy, partııa Tóraǵasy N.Á.Nazarbaevtyń bastamasymen qurylǵan "Birgemiz" respýblıkalyq qoǵamdyq qorynan "Birgemiz-Atyrau" aımaqtyq qoǵamdyq qoryna 787 mln. teńge qarajat tústi. Bul qarjy Atyraý qalasynan, Jylyoı, Maqat, Mahambet, Isataı aýdandarynan 7 sanat boıynsha anyqtalǵan muqtaj 15 741 azamatqa 50 myń teńgeden berildi. Aldaǵy ýaqytta Qurmanǵazy, Qyzylqoǵa jáne Inder aýdandarynyń muqtaj 3904 azamatyna 50 myń teńge mólsherinde kómek kórsetý josparlanýda", -dedi oblys ákimi Mahambet Dosmuhambetov.
Sondaı-aq Atyraýdan sý tasqynynan zardap shekken Túrkistan oblysynyń Maqtaral aýdanyna 150 tonna azyq-túlik, kıim-keshek tıelgen gýmanıtarlyq kómek pen 20 tonna balyq jóneltilgen. Qosymsha qarjylaı kómekter jiberilgen.
"Osyndaı jumystardy uıymdastyrýda alǵy shepten kórindińizder. Iindettiń órship turǵanyna qaramastan, volonterlyq qyzmetterińizdi adal oryndap, muqtaj jandarǵa kómekteskenderińiz úshin alǵys bildiremin", -dedi oblys ákimi.