"Qazaqstan Respýblıkasy Qarýly Kúshteriniń áskerı bólimderin, mekemeleri men áskerı oqý oryndaryn páterlerge ornalastyrýdyń zattaı normalaryn bekitý týraly" QR Qorǵanys mınıstri buıryǵynyń jobasy ázirlendi, dep habarlady mınıstrliktiń baspasóz qyzmeti.
Ol áskerı bólimderdi, mekemeler men áskerı oqý oryndaryn ornalastyrý normalaryn tártipke keltirýge, olardy Qarýly Kúshterdiń jeke quramy úshin áleýmettik-turmystyq talaptarǵa sáıkes keltirýge, tehnıka men jabdyqtardy saqtaý jónindegi arnaıy talaptardy oryndaýǵa múmkindik beredi. Arnaıy bólimderdi (jaýyngerlik kezekshilik atqaratyn bólimshelerdi jáne t.b.) ornalastyrýǵa arnalǵan úı-jaılardy ornalastyrý normalary men tizbesi qyzmet erekshelikterin eskere otyryp aıqyndalǵan.
Buıryq jobasyn qabyldaý teris áleýmettik-ekonomıkalyq nemese quqyqtyq saldarǵa ákep soqpaıdy.
Tolyq mátinmen "Elektrondyq úkimet" portalynda "Ashyq NQA" bóliminde tanysýǵa bolady.