Aqmola oblysynyń bas sanıtarlyq dárigeri Aınagúl Mýsına búginnen bastap Aqmola oblysynda karantın sharalary kúsheıtilgenin aıtty, - dep habarlaıdy Egemen.kz.
Belgili bolǵandaı, 24 maýsymnan bastap oblys boıynsha is-sharalar, forýmdar, kórmeler, konferensııalar, semınar, sımpozıýmdar, sondaı-aq otbasylyq, estelik jáne ózge de buqaralyq is-sharalar ótkizýge tyıym salyndy.
Oıyn-saýyq ortalyqtarynyń, kınoteatrlardyń, teatrlardyń, kórmelerdiń jáne adamdar kóp jınalatyn basqa da obektilerdiń qyzmeti ýaqytsha toqtaıdy.
Sondaı-aq pasıentterdi stasıonarlarǵa josparly jatqyzý, skrınıngter jáne profılaktıkalyq tekserý toqtatyldy.
Medısınalyq uıymdarda, qarttar men múmkindikteri shekteýli adamdarǵa arnalǵan medısınalyq-áleýmettik obektilerde, sábıler úılerinde, balalar úılerinde, áleýmettik ońaltý ortalyqtarynda, múgedek balalarǵa arnalǵan oqý oryndarynda, ınternat úlgisindegi karantın jáne sanıtarlyq-dezınfeksııalyq rejımdi saqtaý rejımi engizildi.
65 jastan asqan adamdarǵa úıden shyǵýǵa shekteý qoıý, saıabaqtarda serýendeýge, týysqandaryna barýǵa, sondaı-aq otbasylyq is-sharalar ótkizýge tyıym salyndy.
Kókshetaý men Stepnogorsk qalalarynyń aınalasynda karantındik aımaqtyń perımetri ornatylady jáne blokbeket ornatýmen, kirý/shyǵý pýnktteri anyqtalady. Qalalarǵa belgili bir sanattaǵy tulǵalar ǵana kire alady.
Saǵat 22:00-den 06:00-ge deıin Kókshetaý, Stepnogorsk qalalarynyń aýmaǵynda turǵyndardyń jáne avtokóliktiń júrýine tyıym salynady.