Pandemııaǵa baılanysty keıinge shegerilgen «Formýla-1» jarysyna da start berildi. Maýsymnyń alǵashqy jarysy Aýstrııa gran-prıimen bastaldy.
Jyldyń alǵashqy básekesinde Mercedes klýbynyń ókili Valtterı Bottas jeńimpaz atandy. 2011 jyldan bastap «Formýla-1» jarysyna qatysyp kele jatqan fınlıandııalyq avtoshabandoz osymen jalpy sany 8 kezeńde máre syzyǵyn birinshi bolyp kesti. 30 jastaǵy sportshy 2017 jyldan beri Mercedes komandasynda óner kórsetedi.
Aýstrııa gran-prıinde ekinshi oryndy Ferrari ókili Sharl Lekler ıelense, úzdik úshtikti McLaren avtoshabandozy Lando Norrıs túıindedi. Jarystyń ótken jylǵy chempıony, Mercedes klýbynyń taǵy bir ókili Lıýıs Hemılton máre syzyǵyn ekinshi bolyp kesken edi, alaıda jarys erejesin buzǵany úshin ýaqyty 5 sekýndqa shegerilip, básekeni 4-orynmen qorytyndylady.