Brazılııanyń baspasóz qaýymdastyǵy koronavırýs ınfeksııasy tabylǵan el prezıdenti Jaır Bolsonarýdy aýrýyn bile tura tilshilerdiń aldyna shyǵyp suhbat bergeni úshin aıyptap, sotqa shaǵymdandy, - dep habarlaıdy Egemen.kz
Brazılııa prezıdenti Jaır Bolsonarý ózinde koronavırýs sımptomdary paıda bolyp, koronavırýsqa test tapsyrǵanyn aıtqan edi. Bolsonarýǵa test nátıjesi boıynsha "Covid-19" dıagnozy qoıylǵan. Osyny bile tura prezıdent tilshilerdiń ómiri men densaýlyǵyna qaýip tóndirgen. О́ziniń qaýipti indetti juqtyrǵanyn brıfıngte dúıim jurtqa jarııalady.
Uıymnyń resmı saıtynda Bolsonarý betindegi maskasyn sheship, áleýmettik araqashyqtyqty saqtamaǵany týraly jazylǵan. Jýrnalıster memleket basshysyn oqshaýlaný talabyn oryndamaı, zań buzýshylyqqa bardy dep aıyptap otyr. Jergilikti zań boıynsha aıyptalýshy bas bostandyǵynan aıyrylýy múmkin nemese aıyppul tóleıdi.
Aıta keteıik, keshe Brazılııa prezıdenti koronavırýs juqtyrýy múmkin ekeni jóninde habarlaǵan edik.