Buǵan deıin Almaty polısııa Departamentinde dári-dármektiń baǵasyn negizsiz kóterip jiberýdiń aldyn alý, olardyń zańsyz satylýyn boldyrmaý maqsatynda arnaıy mobıldi toptar qurylǵandyǵy týraly habarlanǵan bolatyn, - dep jazady Egemen.kz
"3 kún ishinde dári-dármekter men medısınalyq maqsattaǵy buıymdardy zańsyz satý boıynsha 11 faktiniń joly kesildi. Tintý kezinde 24000 dári-dármek quraldary bar 1200 paket, sondaı-aq, jalpy somasy 2,5 mıllıon teńgeni quraıtyn COVID-19 anyqtaıtyn 9000 ekspress-test alyndy. Tárkilengen zattardyń arasynda qytaılyq parasetamol da boldy. Qazirgi ýaqytta bul preparatty Qazaqstanǵa jetkizý arnasy anyqtalýda. Barlyq osy faktiler boıynsha sotqa deıingi tergeý júrgizilýde", - dedi Almaty qalalyq polısııa Departamentiniń bastyǵy, polısııa general-maıory Qanat Taımerdenov.
Búgin krımınaldyq polısııa Basqarmasynyń qyzmetkerleri Almaty qalasy boıynsha ETD-men birlesip opa-dalap satatyn dúkende jerasty dárihanasyn ashqan eki azamatty ustady. Dúkende qyzmettiń osy túrine lısenzııasy bolǵan joq. Tergeý barysynda atalǵan mekemede ár túrli 11 myńnan astam dári-dármek jáne jalpy somasy 1 mıllıon 119 myń 200 teńgeni quraıtyn 100-den astam ampýla tárkilendi.