Kókshetaýda jol talǵamaıtyn kóliktiń astyna túsip, áıel adamnyń qaza bolýyna baılanysty polısııa qylmystyq is qozǵady. Bul týraly Aqmola oblystyq Polısııa departamentiniń baspasóz qyzmeti málimdedi, dep habarlaıdy Egemen.kz.
Polısııa departamenti taratqan aqparatqa sáıkes, qazirgi ýaqytta qaıǵyly oqıǵanyń barlyq mán-jaıyn anyqtaý maqsatynda tıisti tergeý amaldary júrgizilip jatyr.
Astanada 2 jasar balany kólik qaǵyp ketti
«Jol-kólik oqıǵasy boıynsha qylmystyq is qozǵaldy. Tergeý aıasynda oqıǵanyń qalaı bolǵanyn anyqtaý úshin qajetti tergeý áreketteri atqarylyp jatyr», dep naqtylady vedomstvo ókilderi.
Buǵan deıin áleýmettik jelilerde qaladaǵy aýdandardyń birinde bolǵan sumdyq jaǵdaıdyń vıdeosy taraǵan bolatyn. Beınejazbadan jol talǵamaıtyn kóliktiń burylys jasaý kezinde áıeldi qaǵyp ketkenin kórýge bolady. Kólik toqtaǵanymen, zardap shegýshi aýyr tehnıkanyń astynda qalyp qoıǵan. Alǵan jaraqattarynyń saldarynan áıel oqıǵa ornynda kóz jumǵan.