О́ńirlik kommýnıkasııalar qyzmetiniń málimetine súıensek, turǵyndar sybaılas dárihanadaǵy dári-dármek baǵasy týraly shaǵym túsiripti. Al bul jemqorlyqqa qarsy qyzmet, "Adaldyq Alańy" jobalyq keńsesi, farmasevtıkalyq baqylaý jáne Atyraý qalalyq ákimdiginiń qyzmetkerlerinen quralǵan monıtorıngtik top birneshe dárihanaǵa tekseris júrgizýge sebep bolyp otyr.
"Baızar" saýda oıyn-saýyq ortalyǵyndaǵy "Zelenaıa" dárihanasynda baǵany kóterý faktisi anyqtaldy. Munda "Kanefronnyń" bir danasy 335 teńge, "Flemoksın Solıýtab" preparatynyń baǵasy 152 teńgege ósiripti. Al, "Na Gýrevskoı" dárihanasynda "Sefazolın" dárisiniń baǵasy 18 teńgege qymbattatyp jiberipti.
Monıtorıng nátıjesi tıisti shara qabyldaý úshin farmasevtıkalyq baqylaýǵa jiberiledi. Turǵyndardan dári-dármek baǵasynyń qymbattaýyna baılanysty faktiler anyqtalsa, habar berýin suraımyz. Dári-dármek baǵasyn shekten tys kótergeni úshin dárihanalar basshylyǵy QR Ákimshilik quqyq buzýshylyq týraly Kodeksiniń 426-babyna sáıkes (farmasevtıkalyq qyzmettiń jáne dárilik zattar men medısınalyq buıymdardyń aınalasy salasynyń qaǵıdalaryn buzý) ákimshilik jaýapkershilikke tartylady. Olarǵa 70-ten 1000 AEK kóleminde aıyppul salynýy múmkin», - dedi Atyraý qalasy ákiminiń orynbasary Samat Embergen.