Qala ákiminiń orynbasary Erjan Babaqumarov Almatydaǵy halyq kóp shoǵyrlanǵan oryndardy atady jáne jaýapty oryndarǵa karantın rejimin kúsheıtýdi tapsyrdy, - Egemen.kz.
Almaty qalasynda epıdemıologııalyq jaǵdaıdy turaqtandyrý maqsatynda aǵymdaǵy jyldyń 5 shildesinen bastap qatań shekteý sharalary qolǵa alynǵany belgili. Atqarylǵan jumystardy taldaý qorytyndysy boıynsha Almaty qalasyndaǵy koronavırýs ınfeksııasynyń taralýyn boldyrmaý jónindegi Komıssııa tóraǵasy, qala ákiminiń orynbasary Erjan Babaqumarov karantın rejimin qamtamasyz etý jumystaryn kúsheıtý boıynsha jınalys ótkizdi.
Jıynǵa Komıssııa tóraǵasynyń orynbasary, Almaty q. Taýarlar men qyzmetterdiń sapasy men qaýipsizdigin baqylaý departamentiniń jetekshisi Jandarbek Bekshın, Polısııa departamentiniń basshylyǵy, sonymen birge aýdan ákimderi qatysty.
Komıssııa tóraǵasy qala turǵyndarynyń úı karantınin saqtaý jáne halyq kóp shoǵyrlanǵan oryndarda túsindirý jumystaryn kúsheıtý, kásipkerlik sýbektileriniń shekteý sharalaryn saqtaýda baqylaýdy kúsheıtý máselelerine nazar aýdardy.
Kún saıyn qalada kúsheıtilgen epıdemıologııalyq rejımniń saqtalýyn qamtamasyz etý maqsatynda shamamen 35 mobıldi top jumys isteıdi. Aǵymdaǵy jyldyń 5 shildesinen bastap 1282 nysanǵa monıtorıng júrgizildi, karantın rejımi men canıtarlyq-epıdemıolgııalyq talaptardy buzýdyń 121 jaǵdaıy anyqtaldy. Sonymen birge, monıtorıngtik toptarmen qyzmetterine ruqsat etilgen jáne baqylaýǵa alynǵan nysandar boıynsha túsindirý jumystary júrgizilýde jáne baqylaýǵa alynǵan, sonymen birge, qala turǵyndarynyń shaǵym aıtý faktileri boıynsha monıtorıng jasalady.
О́zderiniń úıleriniń aımaqtarynan shyǵatyn belsendi qala turǵyndarynyń sany azaıǵan. Alaıda taldaý qalanyń birqatar shaǵyn aýdandarynda halyqtyń kóp shoǵarlanýynyń joǵary deńgeıi saqtalyp otyrǵanyn kórsetken. Aýdan ákimderine jergilikti polısııamen, epıdemıologııalyq qyzmetpen birlesip qala turǵyndarynyń engizilgen shekteý sharalaryn saqtaýyn qamtamasyz etý tapsyryldy. Jekeleı alǵanda, túsindirý jumystaryn kúsheıtý jáne halyqpen keri baılanys ornatý tasyryldy. Adamdar kóp jınalatyn oryndarda dezınfeksııalyq jumystar kúsheıtiledi.