Keshe oblys ortalyǵyndaǵy jazǵy dámhana órtenip, eki adam zardap shekti, - dep habarlaıdy Egemen.kz.
Oblystyq Tótenshe jaǵdaılar departamenti baspasóz qyzmetiniń aqparatyna qaraǵanda, "Shashlychok" dámhanasyndaǵy órt 10 shildede saǵat 17:01-de tutanypty.
"Jarbosynov kóshesiniń №83 mekenjaıynda ornalasqan jazǵy dámhananyń jalpy aýdany 120 sharshy metrdi quraıdy. О́rttiń saldarynan jazǵy dámhana tolyqtaı janyp ketti. Dámhana aýlasyndaǵy 144 sharshy metrlik úıdiń kireberis bólmesiniń esigi men terezesiniń syrtqy qaptamasy, 1992 jyly shyqqan Zıl-MMZ-4502 markaly avtokóligi jandy. Sondaı-aq, taǵy bir úı men 40 sharshy metrlik garajdyń tóbe jabyndysy búlindi" -dep habarlady departamenttiń baspasóz qyzmeti.
Tilsiz jaýdan 1953 jyly týǵan azamatshanyń eki aıaǵy men ıyǵyn kúıik shaldy. Ol 15-20 paıyzdyq kúıikpen aýrýhananyń neırohırýrgııa bólimine jatqyzyldy. Al, eki qoly kúıgen 1997 jylǵy azamat dárigerlik kómek kórsetilgennen keıin úıine jiberilgen.
О́rtti sóndirýge arnaýly qyzmettiń 25 qyzmetkeri men 5 tehnıkasy órtti jumyldyrylyp, jalyn saǵat 18:40-ta tolyqtaı sóndirildi.