2020 jyl maýsymynyń qorytyndysy boıynsha "QTJ" UK" AQ ınfraqurylymyndaǵy jalpy tıelimi 20,5 mln tonnany qurasa, bul ótken jyldyń sáıkes kezeńinen 1,4% joǵary, dep habarlaıdy Egemen.kz
7,1 mln tonna kómir tasymaldansa, bul ótken jyldyń sáıkes kezeńine qaraǵanda 2,8% asyp otyr. Sonyń ishinde óńir boıynsha 4,8 mln tonna qatty otyn bolsa, onyń ósimi 4%-dy qurady. Al 653 myń tonna astyq tıelse, sonyń ishinde eksport 446 myń tonnaǵa jýyqtaıdy. Maýsymda hımııalyq tyńaıtqyshtar tasymaly 22%, al túrli tústi ken men kúkirt shıkizaty 15% artyp otyr.
Temir rýdasy men marganestiń 2,2 mln tonnasy, qurylys júkteriniń 2 mln tonnasy tasymaldandy. Paıdalanylǵan júk aınalymy maýsymda 19,3 mlrd t-km nettony qurady jáne ótken jyl deńgeıinen 8,5% asty. Birinshi jartyjyldyqtyń qorytyndysy boıynsha bul kórsetkish 111,8 mlrd t-km nettoǵa jetse, bul ótken jyldyń sáıkes kezeńi deńgeıinen 3,9% joǵary.
Tolyqtaı alǵanda alty aıda 121 mln tonna júk tıeldi. Atap aıtqanda, 49,5 mln tonna kómir tasymaldansa, bul ótken jyl kórsetkishinen 3% joǵary. Sonymen qatar qazaqstandyq tutynýshylar úshin 35,7 mln tonna jetkizildi.
4,2 mln tonna astyq, 8,8 mln tonna qurylys júkteri jáne de 12,6 mln tonna temir rýdasy tasymaldandy.
Qara metall (2,3 mln tonnaǵa) tasymaly 6,8%, hımııalyq tyńaıtqysh tasymaly 3,5% (1,9 mln tonnaǵa), túrli tústi rýda men kúkirt shıkizaty 15,6% (11,3 mln tonnaǵa) ósti.