COVID-19 koronavırýstyq ınfeksııasynyń taralýyn eskertý maqsatynda Almaty turǵyndarynyń arasynda Almaty qalasynyń Bas memlekettik sanıtar dárigeriniń qaýlysymen 14 shildeden bastap ulttyq saıabaqtar men týrıstik oryndarǵa barýda jekelegen shekteýler engizilgenin habarlady Almaty qalasynyń Bas sanıtar dárigeri, - dep jazady Egemen.kz.
"Atap aıtqanda, ulttyq saıabaqtar aýmaǵyna, tanymal týrıstik jáne taýly nysandarǵa (Medeý, Býtakovka, Alma-Arasan, sonymen birge, radondy qaınar bulaǵy) kez kelgen kólikpen barýǵa tyıym salynady. Demalys kúnderi ulttyq saıabaqtar kelýshiler úshin jabyq. Jumys kúnderi tek jaıaý serýendeýge kelesi erejelerdi saqtaǵan jaǵdaıda ruqsat etiledi:
Ishetin sýsynnan basqa azyq-túlik ónimderin ákelip, pıknık uıymdastyryp, alaý jaǵýǵa qatań tyıym salynady;
Saıabaq aýmaǵynda úshten artyq adamdarmen toptasyp júrýge tyıym salynady;
Áleýmettik qashyqtyq saqtaýdyń sanıtarlyq normalaryn ustanyp, maska kııý jáne adamdar arasynda qashyqtyq saqtaý", - delingen dárigerdiń habarlamasynda.