Alty adamnan turatyn jumys tobynyń quramynda klınısıst-dárigerler, sanıtarlyq-gıgıenalyq jáne qoǵamdyq densaýlyq saqtaý salalary boıynsha tájirıbeli mamandar bar. Olarbúgin Qoǵamdyq kommýnıkasııa ortalyǵyndabrıfıng ótkizdi.
"Toptyń jumysy kúni keshe Aqtaýda bastaldy. Bizben birge kelgen nevrolog-dáriger oblystyq aýrýhanada balalar men eresekterdi qabyldap jatyr. Sondaı-aq akýsher-gınekologymyz qalalyq №1 jáne №2 aýrýhanalarda qala turǵyndaryna dárigerlik kómek kórsetýde. Toptyń qalǵan músheleri jergilikti densaýlyq saqtaý mekemelerine baryp, halyq arasynda vırýs ınfeksııasynyń taralmaýy maqsatynda úgit-nasıhat sharalaryn júrgizip jatyr. Bir apta osynda bolamyz. Bir baıqaǵanymyz - azamattar qoǵamdyq oryndarda betperde taǵýǵa qulyqsyz. Bul óz kezeginde qoǵamǵa qaýipti. Ǵylymı zertteýlerge súıensek, qazaqstandyqtardyń 70-75 prosenti syrtqa shyqqan kezde betperde taǵyp júrmeıdi" - dedi medısına ǵylymdarynyń kandıdaty, gıgıenıst-epıdemıolog Aqmaral Baspaqova.
Aqtóbelik dárigerler mańǵystaýlyqtardyń qoǵamdyq oryndarda betperde taqpaı, qaýipsizdik sharalaryna beı-jaı qaraıtyndaryn baıqaǵanyn jetkizdi.
"О́z basym №1 qalalyq aýrýhanada bolyp, pasıentterdi qabyldadym. Sol kezde dárigerdenkeńes alýǵa kelgen júkti áıelderdiń ózderibetperdesiz kelip turǵanyn kórdim. Adam bolǵasyn, oılanýy kerek qoı. Men emhanaǵa kelip turmyn. Bul jerge kelýshilerdiń ishinde túrli aýrýǵa shaldyqqandar bar. О́zin jáne sábıin qorǵaý úshinjeke qorǵanysh quralyn janynan tastamaı alyp júrýi qajet. Osyndaı nasıhatty emdik sharalarmen qatar júrgizip otyrdym. Júrgen jerińizde osynyń bárin aıtyp júrińizder dep shyǵaryp salyp jatyrmyz" - deıdi professor, akýsher-gınekolog Bıbigúl Qarymsaqova.
Mamandar turǵyndardy óz betimen dári-dármek satyp alyp, úıde em qabyldamaýǵa shaqyrdy. Ásirese, antıbıotıkterdi orynsyz qoldaný - adam aǵzasynyń túrli vırýspen kúresetin tabıǵı ımmýnıtetin álsiretetinin jetkizdi.
"Aǵzamyzda qalypty jaǵdaı bar. Sımbıoz dep te aıtamyz. Ol degenimiz - paıdaly mıkroorganızmder men patogenderdiń arasynda tepe-teńdik bolyp turýy kerek. Osy retteantıbıotıkteri beı-bereket qoldansa, aǵzadaǵy keıbir mıkrobtardy joıyp jiberedi. Iаǵnı, qalypty jaǵdaı, sımbıoz buzylady. Ekinshiden, aǵza óziniń sezimtaldyǵyn joǵaltady. Sál birdeńe bolsa, kópshiligimiz birden antıbıotıkterge júgiremiz. Olaı bolmaýy kerek. Mundaı aýyr preparattardy tek dáriger taǵaıyndaıdy. Bolmasa keıin aýrýdy emdeý qıynǵa soǵady" - deıdi B.Qarymsaqova.
Sondaı-aq, onlaın-brıfıngke qatysqan medısına salasynyń magıstri Jansaıa Qaıratqyzy "Covid-19" vırýsyn juqtyrý qaýpin tómendetý úshin qoǵamdyq oryndarda betperde taǵyp júrýge, qoldy jıi jýý, áleýmettik araqashyqtyqty saqtaýǵa, qajettilik bolmaǵan jaǵdaıda qoǵamdyq oryndarǵa barmaýǵa, jáne adamdarmen qol alysyp amandaspaýǵa keńes berdi.