Bul suraqqa Eńbek jáne halyqty áleýmettik qorǵaý mınıstri Birjan Nurymbetov jaýap berdi, - dep habarlaıdy Egemen.kz.
"Memlekettiń bıýdjetinen zeınetaqy, járdemaqy, ataýly áleýmettik kómek nemese saqtandyrý qorynan tólem alyp júrgender 42 500 teńge almaıdy. Olar beıresmı jumys istep júrgender qataryna jatpaıdy. Olar resmı jumys istep júrse, olar úshin jumys berýshi ótinish bere alady. Resmı jeke kásipkerligi bolsa, jeke kásipker retinde de ótinish berýge múmkindigi bar. Sonymen qatar, tótenshe jaǵdaı kezinde biryńǵaı jıyntyq tólem tólep, mıllıondaǵan adamdar óziniń beıresmı jumys istegenin rastady. Biz olarmen habarlasyp, 70 myńǵa jýyǵyn jumyspen qamtý sharalaryna tartqan bolatynbyz. Eger de ol azamattar qazir jumys istep jatsa, árıne olar bul joly 42 500 teńgeni ala almaıdy", - dedi ol.
Sondaı-aq Eńbek jáne halyqty áleýmettik qorǵaý mınıstri Birjan Nurymbetov 42 500 teńge alýǵa ótinish 1 qyrkúıekke deıin qabyldanatynyn aıtty.