Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasymen Qurban2020.muftyat.kz saıty iske qosylady, dep habarlaıdy Egemen.kz.
Atalǵan saıt arqyly Siz eshqaıda barmaı qurbandyq shalýǵa onlaın tapsyrys bere alasyz. Jumystyń atqarylý barysy týraly tapsyrys berýshige maǵlumat beriledi. Eń aldymen qazirgi pandemııa jaǵdaıynda Siz eshqandaı baılanysqa túspeı, qurbandyǵyńyzdy qashyqtan shalýǵa múmkindik jasalmaq.
Qurban2020.muftyat.kz dep atalatyn saıt jaqyn kúnderi tolyǵymen iske qosylady. Al saıtty tehnıkalyq baqylaý QMDB-nyń "Zeket" qoryna tapsyryldy.
Jańa saıttyń taǵy bir artyqshylyǵy munda qurbandyqqa shalynatyn tórt túlik baǵasymen qosa kórsetiledi. Sol jerden qajetti maldy tańdap, tapsyrys bere alasyz. Al soıylǵan maldyń eti túgeldeı qaıyrymdylyqqa , ıaǵnı, muqtaj jandarǵa úlestiriledi.