16 shilde kúni 18 saǵat 24 mınýtta Almaty qalasy TJD kúshteri men qurylymdary Naýryzbaı aýdany Áshimov kóshesi 13 A mekenjaıyna shaqyrtýdyń qaýipti deńgeıimen jiberildi, dep habarlaıdy Egemen.kz
Kýágerlerden 20-ǵa jýyq qońyraý kelip tústi. О́rt sóndirýshiler kelgende kóp salaly ákimshilik ǵımarattyń (sýpermarket) shatyry órtenip jatqanyn anyqtady.
Jedel túrde shtab jumysy men 3 áskerı ýchaske quryldy. Gaz-tútinnen qorǵaý qyzmetimen adamdardyń bar joǵyna barlaý júrgizildi, órtti sóndirý úshin órt oqpandary jiberilip, árqaısysy 50 l bolatyn 3 gaz ballondary syrtqy shyǵaryldy. Qysqa ýaqytta kók jalynnyń jeke turǵyn úılerge taralý qaýpi joıyldy.
"Almaty Sý" mekemesiniń tehnıkalarymen úzdiksiz sý jiberý qamtamasyz etilip, Naýryzbaı aýdandyq Polısııa basqarmasymen órt perımetrin qorshaý jumystary uıymdastyryldy. О́rt 19 saǵat 21 mınýtta (47 mınýttyń ishinde) cóndirilip, birinshi órt sóndirý esepteri kelgen 59 mınýtta tolyqtaı joıyldy.
Qabyldanǵan sharalardyń arqasynda sýpermarkettiń birinshi qabatyna, meıramhananyń saltanat zalyna jáne azyq-túlik taýarlary saqtalǵan qoımaǵa kók jalynnyń taralýyna jol berilmedi. TJD jeke quramynan, Polısııa departamenti men ózara jedel áreket etý qyzmetterinen 76 adam men 22 birlik tehnıka jumyldyryldy. Zardap shekkender men qaıtys bolǵandar -joq.