Shymkent qalasynyń ákimdigi el aýmaǵyna tótenshe jaǵdaıdyń engizilýine baılanysty basym emes bıýdjet shyǵystaryn ońtaılandyrý maqsatynda 2020 jyldyń bıýdjetin qaıta qarady, dep habarlaıdy Egemen.kz
Eki ret naqtylaýdyń nátıjesinde 3 094,5 mln teńge ońtaılandyryldy. Qysqartylǵan shyǵynnyń ishinde tehnıkalyq quraldardy satyp alýǵa, túrli is-sharalardy ótkizýge, qalany abattandyrýǵa arnalǵan qarjy bar.
Únemdelgen qarjy indetke qarsy kúres sharalaryna, aýrýhanalardy dárilik zattar men medısınalyq qural-jabdyqtarmen qamtýǵa baǵyttaldy. Naqtylap aıtqanda, 1 647,5 mln teńge dárilik zattar men medısınalyq qural-jabdyqtar satyp alýǵa, medısına qyzmetkerlerin ýaqytsha baspanamen qamtamasyz etýge jáne kólikpen tasymaldaýǵa, ottegi stansııasyn ornatýǵa baǵyttalsa, 236,3 mln teńge qalany dezınfeksııalaý jumystaryna, al 2 050,0 mln teńge qaladaǵy juqpaly aýrýlar gospıtalynyń qurylysyna baǵyttalǵan.
Shilde aıynda qalalyq bıýdjetti naqtylaýy bolady. Epıdemııalyq jaǵdaıǵa baılanysty bıýdjet shyǵyndaryna taldaý jasalyp, jalpy 7 214,6 mln teńge ońtaılandyrylady dep josparlanýda. Naqtylaý kezinde mádenı is-sharalar ótkizý, qalany kógaldandyrý – ababattandyrý, qyzmettik issaparlar, memlekettik muqtajǵa jer telimderin alý, qurylys jumystary sııaqty shyǵyndar qysqartylady. Atalǵan qarjy densaýlyq saqtaý salasynyń materıaldyq-tehnıkalyq bazasyn nyǵaıtýǵa baǵyttalady.