Oblystyq ákimdiktiń otyrysynda jańa oqý jylyna daıyndyqtyń barysy pysyqtaldy. Barlyǵy 80 myńǵa jýyq oqýshynyń aýyldyq jerlerdegi 14 myńdaıy partalarǵa otyrady. Qalǵany, bul – 81 paıyz, eki toqsan boıy byltyrǵy jyldyń sońǵy toqsanyndaǵydaı qashyqtan oqıtyn bolady, dep habarlaıdy Egemen.kz
Oblys ákimdiginde bolǵan otyrysta SQO ákimi Qumar Aqsaqalov barlyq aýdandyq ákimdikter mektepke baratyn balalardyń qaýipsizdigin qamtamasyz etýi kerektigin tapsyrdy.
"Qazir barlyq aýdandyq ákimdikterde únemdeýdiń arqasynda qosymsha qarajattar paıda boldy. Solardyń esebinen betperdeler, anseptıkter, dozatorlar, teplovızorlar satyp alynyp, mektepter mundaılarmen tolyq qamtamasyz etilsin. Basqa basymdy emes shyǵystar azaıtylsyn. Bárinen de balalardyń densaýlyǵy qymbat", dedi ol óziniń sózinde.
Sonymen birge ákim barlyq mektepterdiń keń jolaqty Internetpen qamtamasyz etilýin tapsyrdy. Bıyl mektepterge 1000 kompıýter alý josparlanǵan, qazirdiń ózinde 580 satyp alyndy. Ákim qazir az qamtylǵan otbasylarynyń tizimderin jasap, olarǵa kompıýterler berýdi tapsyrdy.
Sonymen birge ákim mektepterdiń avtokólikpen qamtamasyz etilýine nazar aýdardy. Bıyl mektepter 24 jańa mıkroavtobýstar alǵan, oqý jyly bastalǵanǵa deıin taǵy 19 danasy jetkizilmekshi. Sondaı-aq mektepterdi beınebaqylaýmen qamtamasyz etýge 259 mln teńge qarastyrylǵany aıtyldy.
Kadr máselesi de talqylandy. Qazir oblysta kadr jetispeýshiligi eńserilgeni belgili boldy. Sońǵy 3 jylda mektepterge 1390 jas muǵalimder jiberilgen. Bıyl taǵy 315 maman mektepterge barǵaly otyr.
Soltústik Qazaqstan oblysy