Álemniń ár eline tarydaı shashyrap ketip, atajurtqa oralýdy ańsaǵan qandasymyz qanshama? Desek te, bıyl munaıly óńir topyraǵyna shetelderden 35 otbasynyń 47 adamy kóship keldi.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Serik Qamıdollanyń aıtýynsha, qandastardyń basym bóligi buryn О́zbekstan Respýblıkasynda turǵan eken. Kórshiles elden 35 adamy bar 25 otbasy oraldy. Qytaıdan segiz otbasy, quramynda 10 adam, al Ýkraınadan eki otbasynyń eki adamy atajurtty saǵyna jetti.
– Atyraýǵa kóship kelgen qandastardyń «Oralman mártebesin berý týraly» ótinishi Halyqqa qyzmet kórsetý ortalyǵy arqyly tústi. Olardyń qujattary qaralyp, oralman mártebesin berý týraly sheshim qabyldandy. Qazir qandastarymyzdyń bári oblystaǵy qala men aýdandarǵa ornalasty, – dedi Serik Qamıdolla.
ATYRAÝ