Atyraýda 17 tamyzdan bastap qalaishilik 13 áleýmettik mańyzy bar marshrýtta jolaýshylar tasymalyn qaıta jańǵyrtýǵa ruqsat berilip otyr. Qozǵalys jıiligi 10-15 mınýttan 85 avtobýs saǵat 07:00-den 20:00-ge deıin jolaýshy tasymaldaıdy, - dep habarlaıdy Egemen.kz.
«Jolaýshylar sany salondaǵy oryndyqtar sanyna sáıkes bolýy tıis. Betperde, sanıtarlyq, dezınfeksııa rejımi saqtalýy kerek. Jol júrý aqysy kartamen tóleý arqyly júzege asyrylady. Kondýktorlar jolaýshylar sany men otyrý erejelerin baqylaýy tıis. Salon jolaýshylarǵa toly bolsa, avtobýs aıaldamalarǵa tek jolaýshylardy túsirý úshin toqtaıdy. Salonǵa artyq adam almaıdy.
Eger, sanıtarlyq rejım tolyqtaı saqtalsa, 24 tamyzda qala mańyndaǵy marshrýttarda jolaýshy tasymaldaý bastalady. Qala turǵyndary áleýmettik qashyqtyqty saqtap, maska taǵýy, antıseptıkalyq quraldardy mindetti túrde qoldanýy tıis» dep habarlady Atyraý qalalyq ákimdiginiń baspasóz qyzmeti.
Karantın engizilgenge deıin Atyraý qalasynda segiz avtobýs parki jolaýshy tasymaldaǵan edi. Avtbýs parkinde 26 marshrýt qatynaıtyn 160 avtobýs bar.