Sadaq atýdan halyqaralyq jarystar tizbegi koronavırýs indetine baılanysty naýryz aıynan beri toqtap tur. Alaıda, Halyqaralyq sadaq atý federasııasy reıtıngilik týrnırlerdi jalǵastyrýdy jón kórgen, - dep habarlaıdy Olympic.kz-ke silteme jasap.
Koronavırýs indetine baılanysty sadaq atýdan bıylǵy maýsym tolyqtaı toqtatyldy. Álem kýbogi kezeńderi men qurlyqtyq chempıonattar ótkizilmeıdi.
Biraq álemdik uıym sportshylardyń birtindep jarys alańyna oralýyn uıymdastyrýdy kózdegen. Sol sebepti, 2-4 qazan kúnderi Túrkııanyń Antalıa qalasynda sadaq atýdan reıtıngilik halyqaralyq týrnır ótedi. Uıymdastyrýshylar jarys kezinde barlyq qaýipsizdik jáne sanıtarlyq talaptardy saqtaýǵa mindettelgen.
Jalpy alǵanda, reıtıngilik týrnırler shymyldyǵy 1 qyrkúıekte túriledi.