Bul kúnderi jeńil atletıkadan Monakoda «Gaýhar lıgasynyń» birinshi kezeńi ótip jatyr. Kezekti jarys kúninde ýgandalyq atlet Djoshýa Cheptegeı 5 myń metrge júgirýdiń fınaldyq básekesinde óner kórsetip, 2004 jyldan beri ózgermeı kele jatqan álem rekordyn eki sekýndqa jańartty.
23 jastaǵy Djoshýa Cheptegeı belgilengen 5000 metr qashyqtyqty 12 mınýt, 35, 36 sekýnd ishinde júgirip ótken. Osylaısha Cheptegeı efıopııalyq jeńil atlet, 3 dúrkin Olımpııa oıyndarynyń chempıony Kenenıs Bekeleniń 2004 jyldyń 31 mamyrynda Nıderlandtyń Hengelo qalasynda ótken jarysta ornatqan rekordyn jańartty. Sol jyly 22 jasta bolǵan efıopııalyq jelaıaq 5 myń metrdi 12 mınýt, 37,35 sekýndta basyp ótken.