Taldyqorǵan qalasyndaǵy kóp qabatty turǵyn úıdiń qabyrǵasyna kórnekti jýrnalıst Beısen Quranbektiń beınesi salyndy. Graffıtı janrynda beınelengen mýral bıyl dúnıeden ótken áriptesimiz uzaq jyl basshylyq etken "Jetisu" telearnasynyń ǵımaratyna qarama-qarsy qonys tepken úıdiń qasbetinde "men mundalap" tur, - dep habarlaıdy egemen.kz.
Mýral fotosýretshi Jeńis Ysqabaıdyń sýreti negizinde jasalǵan eken. Tutas qabyrǵany alyp turǵan Beısenniń beınesin sýretshi Bekbolat Keńesov salyp shyqty. Sýret astyna "Qareket et, batyrym!" dep jazylǵan. Al esimi elge áıgili jýrnalıstiń jarqyn beınesin jurt nazaryna usyný ıdeıasyn "Rýhanı jańǵyrý" jobalyq keńsesi bastaǵan eken. Istiń nátıjeli bolýyna oblystyq ishki saıasat basqarmasy barynsha úles qosty.
"Mine, "Jetisu" telearnasynyń qaptalyndaǵy úıdiń qabyrǵasynda Beısen dostyń beınesi jymıyp qarap turatyn boldy. О́zi jıi aıtatyn "Qareket et, batyrym" degen sózi de tasqa basyldy. Jalpy, jurt júreginde Beısenniń beınesi máńgilik saqtalady. Eldiń erge qurmeti, taǵzymy osyndaı ıgi isterden kórinis tabýda, - deıdi marqumnyń úzeńgiles joldasy, "Jetisu" telearnasynyń dırektory Serik Sarybaı.
Aıtpaqshy, Beısen Quranbek beınelgen mýraldyń qasyna jetisýlyqtar erekshe iltıpatpen eske alatyn taǵy bir jas batyrdyń sýreti de tańbalandy. Ol 20 jastaǵy Oljas Quljabekov esimdi batyr edi. Oljas 2008 jyldyń tamyz aıynda Qapshaǵaı sý qoımasynda batyp bara jatqan balany qutqaryp, ózi sýǵa ketken bolatyn. Jas jigit qaıtys bolǵannan keıin Prezıdent Jarlyǵymen "Erligi úshin" medalimen marapattalǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.