"Nur Otan" partııasynyń hatshysy A.Qyryqbaevtyń aqyn-jazýshylar jáne óner maıtalmandarymen praımerız boıynsha onlaın-konferensııasynda belgili aqyn, Qazaqstan aıtys aqyndary men jyrshy, termeshilerdiń halyqaralyq odaǵynyń tóraǵasy Júrsin Erman praımerızge aqyn-jazýshylardyń da qatysyp jatqanyn aıtty.
"Praımerız partııaishilik irikteýdiń úlken tarıhı oqıǵasy ekenin bárimiz ańǵaryp otyrmyz. Qoǵamdaǵy ozyq oıly, kózqarasy qalyptasqan, baıypty, eldiń taǵdyryna jany ashıtyn azamattardy irikteý degen buryn sońdy bolmaǵan", - dedi Júrsin Erman.
Onyń aıtýynsha praımerızge qatysýshylardyń qatarynda aıtys aqyndary da bar.
"Aıtys aqyndary men jyrshy, termeshilerdiń halyqaralyq odaǵynan 6-7 jigitimiz osy praımerızge qatysýǵa sheshim qabyldap otyr. Olar osy ýaqytqa deıin halyqtyń sózin sóılep, únin jetkizip júrgen azamattar. Amanjol Áltaev, Muhtar Nııazov, Aıbek Qalıev, Serikzat Dúısenǵazy, Aıtbaı Jumaǵulov syndy jigitterdiń qaı qaısysy bolsa da el aldynda sóıleı alatyn azamattar. Keshegi Alash arystarynyń ıdeıasy olardyń boıyna ábden sińgen. Ásirese jerdiń taǵdyry, el taǵdyry, ulttyq salt-dástúrge basymdyq berý degen dúnıeler olardyń qanyna sińgen qasıet. Eldiń, halyqtyń sózin sóıler azamattardyń ornyn toltyryp otyratyn jigitterge sát-sapar tileımiz. Praımerızdi halyqqa jaqyndaýdyń bir pishini retinde qabyldaımyz. Halyqtyń ishinde el degende, jer degende júgirip qyzmet etetin nebir asyl azamattar júr. Praımerız solardy tabýǵa, irikteýge kómektesedi", - dedi ol.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.