Elimizdiń túkpir-túkpirinde "Nur Otan" partııasynyń praımerızi ótip jatyr. Túrkistan oblysynda da úmitkerlerdiń, ásirese, jastardyń belsendiligi joǵary. Solardyń biri – armrestlıng sportynan álemniń birneshe dúrkin chempıony Qydyrǵalı Ońǵarbaev.
Jumyr jer betinde qarsylas shydatpaı júrgen qazaqtyń qaısar azamaty búgin «Nur Otan» partııasynyń Shardara aýdandyq fılıalyna kelip, praımerızge qujat tapsyrdy. Shardaranyń sharbolat uly, qazaqtyń kók týyn jelbiretip júrgen jas óren qoǵamdyq-saıası ómirge de belsendi aralasyp, óńirdiń ózekti problemalaryn sheshýge úles qosqysy keledi. Álem chempıony jastardy qoldaý jáne sport salasyn damytýǵa basymdyq bermek. Saılaýaldy baǵdarlamasyn jaqynda jarııalap, kópshilikke tanystyrmaq.
"Nur Otan" partııasynyń praımerızine qatysýdy jón kórdim. Bıyl qoǵamnyń barlyq ókilderine úlken múmkindik usynylyp otyr. Maqsat – bılikke umtylý emes, eldik máselelerdi sheshýge úles qosý. Eldiń kókeıinde júrgen túıtkilderdi nazarda ustap, senimdi aqtaýǵa kúsh salamyn", – deıdi Qydyrǵalı.
Qydyrǵalı Ońǵarbaev – dańqty bapker Arman Qarsybaevtyń shákirti. Aýyr salmaqta Qazaqstan men Azııanyń absolıýtti jeńimpazy, Álem kýbogynyń ıegeri jáne álem chempıony. Jumyr jer planetasynyń eń úzdik qol kúres sheberleri jınalatyn «TOP-8» týrnırine shaqyrtý alyp, alǵashqy kezdeýlerinde jeńiske jetken saıypqyran úlken sporttaǵy jeńisti jolyn da jalǵastyrady.