«TURAN» ansambliniń tartýy

Sharany uıymdastyrýshy­lar­dyń pikirinshe, atalmysh kon­serttiń maqsaty – mýzykalyq óner arqyly ulttyq biregeılikti saqtap, syrtta júrgen qazaq dıasporasyna rýhanı qoldaý kórsetý jáne shet eldegi qandastarmen baılanysty nyǵaıtý eken.

«TURAN» etno-folklorlyq an­sambli – elimizdiń ulttyq mýzy­kalyq murasyn jańǵyrtyp, umyt bo­la bastaǵan tól aspaptar súıe­meldeýimen kóne kúı-jyrlardy nasıhattap júrgen biregeı top. О́ner ujymy buǵan deıin qazaq mýzykasyn álemge áıgilep, 70-ten astam shet memlekette 600-den astam jeke konsert bergen eken.

Sonyń ishinde álem áıgili «Kar­negı holl», «Kennedı orta­ly­ǵy», «Konsert haýs», «Kreml saraıy», «Salle Korto» zaldarynda óner kórsetkenin aıtýymyz kerek. Sondaı-aq ónerpazdardyń qolynda halqymyzdyń 30-dan astam ulttyq mýzykalyq aspaby bar. Mýzykanttardyń árqaısysy solardyń birnesheýinde oınaýdy meńgergen.

Onlaın konsert barysynda ansambl músheleri talantty mýzykanttar: Serik Nurmoldaev, Maq­sat Medeýbek, Baýyrjan Bekmuhanbetov, Erjigit Álıev, Jan­tý Dadabaevtar ulttyq aspap­tardyń dybysyn qazirgi zamanǵa saı laıyqtap, jańa formatta usynýmen birge, qazaq halqynyń ulttyq mýzykalyq murasyn jań­ǵyr­typ, umyt bola bastaǵan tól as­paptardyń súıemeldeýimen óz­de­riniń úzdik týyndylaryn oryndady.

Olar oryndaǵan «Orteke», «Aq­saq qulan», «Kerýen», «Kóroǵly», «Aqqý», «Búrkit» kúıleri sahna tórinde turǵan úlken ekran arqyly tamasha kórinistermen ádiptelip, árlenip, jańa pishinmen túrlenip kórsetildi.

Sonymen birge, ujym tól týyn­dylary «Qyran dalam – Tu­ran dalam», «Qıly zaman» shy­ǵarmalaryn oryndady. Bul dúnıelerge epos, jyr, monolog, kúı, bı qatarly folklorlyq mu­ralar sińirilip, halqymyzdyń ejelgi etnosalty ańshylyq, saıat­shylyq kórinis tapsa, sazger Aqtoty Raıymqulovanyń «Sha­byt» jáne «Abaı tolǵaýy» atty shyǵarmalary kórermenniń kóńil pernesin dóp basqandaı áser qaldyrdy. Konsertte bulardan bólek Nur-Sultan qalasy Astana Ballet teatry jáne Qazaq ulttyq horeografııa akademııasynyń ártisteri de óner kórsetti.

Bul retki onlaın konsertti shet memleketterde júrgen qan­das­tarymyz joǵary kóńil kúımen tamashalap, ónerpazdarǵa kókeıdegi suraqtaryn qoıdy. Qysqasy, atalmysh konsert suraq-jaýap formatynda ótti.