Qytaıdyń Sınhýa agenttigi Qazaqstannyń 7 elmen áýe baılanysyn qaıta qalpyna keltirgenin habarlady. Olardyń qatarynda Birikken Arab Ámirlikteri, Belarýs, Germanııa sekildi elder bar.
«El astanasynan Frankfýrt qalasyna bet alǵan, 94 jolaýshy mingen ushaq – naýryzdan keıingi Qazaqstan men Germanııa arasyndaǵy alǵashqy tikeleı baǵyt. Jolaýshylar ushaqqa minbesten buryn 48 saǵat ishinde Covid-19 vırýsyna test tapsyrýy tıis. Nemese Germanııa barǵannan keıin 72 saǵat ishinde koronavırýsqa test tapsyrýy mindetti», deıdi Sınhýa.
Qazaqstanda engizilgen ekinshi lokdaýndy jeńildetý aıasynda halyqaralyq áýe qatynastaryn birtindep qalpyna keltirý kózdelgen. Agenttik demalys kúnderi karantındik talaptar qaıta kúsheıtiletinine de nazar aýdarǵan.
«Qazaqstan 5 shildede koronavırýs pen pnevmonııa kúrt kóbeıgennen keıin ekinshi márte lokdaýn jarııalaǵan edi. Densaýlyq saqtaý mınıstriniń habarlaýynsha, qazirgi tańda eldegi epıdemııalyq jaǵdaı turaqtalǵan. Onyń ústine, tamyz bastalǵaly aýrýhanadaǵy oryndar bosaǵan.
Búginge deıin Qazaqstanda 103300 adamnyń koronavırýspen aýyrǵany anyqtaldy. Solardyń 84445-i jazylyp shyqsa, 1415 naýqas kóz jumdy. Tamyzdan bastap Covid-19-ǵa sımptomdary uqsaıtyn 18673 pnevmonııa tirkelip, 220 adam qaza tapty», delingen Sınhýa taratqan jańalyqta.