Qytaı koronavırýsqa qarsy vaksınany shildeden bastap aldyńǵy shepte júrgen dárigerler men shekaralyq baqylaý qyzmetkerlerine salyp keledi. Bul týraly Bilim jáne tehnologııany damytý ortalyǵynyń dırektory Chjen Chjýnveı málimdedi.
«Chjen CCTV-2 arnasynyń «Pikirtalas» baǵdarlamasynda vırýspen kúreste aldyńǵy shepte júrgender vaksına saldyrýǵa quqyly ekenin habarlady. Qytaı bıligi koronavırýsqa qarsy ekpeni egýge 22 shildede ruqsat etken. Vaksınany Sinopharm kompanııasy jasap shyǵarǵan. Klınıkalyq testileýdiń úshinshi kezeńi Birikken Arab Ámirlikterinde, Perýde, Marokkoda jáne Argentınada ótkizildi», deıdi CNN agenttigi.
Chjenniń aıtýynsha, Qytaı zańynda densaýlyq saqtaý salasynda tótenshe jaǵdaı vaksınany jedel túrde qoldanýǵa ruqsat etilgen. Áıtse de, ekpe aldyńǵy sheptegi adamdarǵa ǵana salynady. Qytaı qazir osy kezeńde tur. Kelesi satyda búkil el halqyna vaksına jetkizý máselesi qaralady. Iаǵnı, kúz jáne qys mezgilinde vırýstyń qaıta órship ketpeýin aýyzdyqtaýǵa kúsh jumsalmaq.