Álemdegi eń baı adam - Amazon kompanııasynyń basshysy Djeff Bezos tarıhtaǵy alǵashqy mıllıarder boldy, onyń baılyǵy 200 mıllıard dollardan asty. Bul týraly Egemen.kz Forbes jýrnalyna silteme jasap habarlaıdy.
Sársenbidegi reıtıng kórsetkishterine qaraı, mıllıarderdiń baılyǵy 199,7 mıllıard dollarǵa baǵalandy. Bul Djeff Bezos úshin jańa rekord. Onyń kórsetkishi shilde aıynyń basynan bastap turaqty túrde ósip keledi.
Bul jaǵdaı Amazon aksııalary qunynyń turaqty ósýine baılanysty bolyp otyr. Seısenbi kúni aksııalar quny 1,18 paıyzǵa, bir danasyna 3346,49 dollarǵa deıin ósti, al kompanııany kapıtaldandyrý 1,68 trıllıon dollarǵa deıin jetti. Forbes basylymynyń habarlaýynsha, Djeff Bezos Amazon aksııalarynyń 11,1 paıyzynyń ıegeri. Sondaı-aq ol 2017 jyldan beri Forbes-tiń eń baı adamdarynyń reıtınginde kósh bastap keledi.
Amazon – Kanada, Qytaı, Brazılııa, Japonııa jáne Eýropa elderinde jumys isteıtin álemdegi eń iri kompanııanyń biri. Amazon.com ınternet-dúkeni 1995 jyldyń shildesinen beri jumys istep keledi.
Aıta keteıik, Djeff Bezos buǵan deıin 2 shildede 2018 qyrkúıektegi aldyńǵy rekordyn jańartqan edi. Ol kezde mıllıarderdiń baılyǵy 172 mıllıard dollardy quraǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.