30-ǵa jýyq turǵyndy aldaǵan azamatsha bas bostandyǵynan aıyryldy, dep habarlaıdy Egemen.kz
Buǵan deıin habarlaǵanymyzdaı, Túrkistan oblysynyń polısııa ókilderi aǵymdaǵy jyldyń sáýir aıynda jumysqa ornalastyramyn dep 30-ǵa jýyq turǵyndy aldaǵan áıeldi qolǵa túsirgen edi. Azamatsha eshqaıda tirkelmegen múmkindigi shekteýli balalardy ońaltý ortalyǵyna jumysqa qabyldaımyn dep, 300 myń men 700 myń aralyǵyndaǵy somany qaltasyna basqan.
Atalǵan jaıtqa qatysty QR QK-niń 190-baby "Alaıaqtyq" boıynsha is tirkelip, sotqa deıingi tergep-tekserý amaldary júrgizildi.
Jetkilikti dáleldemeler negizinde kináni moıyndaý týraly mámile nysanyndaǵy prosestik kelisim jasalyp, QR QPK 612-babynyń "...Onsha aýyr emes, aýyrlyǵy ortasha, ne aýyr qylmystar boıynsha – kúdikti, aıyptalýshy keltirilgen kúdikpen, aıyptaýmen kelisken jaǵdaıda – kináni moıyndaý týraly mámile nysanyndaǵy" talapqa saı Maqtaaral aýdandyq sotyna joldanǵan. Maqtaaral aýdandyq sotynyń úkimimen azamatshaǵa 3 jyl 6 aı bas bostandyǵyn shekteý jazasy taǵaıyndaldy.