Ashylý saltanatyna qatysqan qala ákimi Murat Áıtenov jańa qonys berekesi men yrysy mol úlken ordaǵa aınalýyn tilep, qala turǵyndaryn Konstıtýsııa kúnimen quttyqtady.
"Shymkentte turǵyn úı qurylysy qarqyn alyp keledi. Máselen, ótken jyly tek "Nurly jer" baǵdarlamasy sheńberinde 298 myń sharshy metr turǵyn úı paıdalanýǵa berilse, osy jyly 104 úı paıdalanýǵa berilip, 5800 otbasy jańa páterge ıe bolady", dedi qala ákimi.
"Premera" turǵyn úı kesheni "Nurtas" shaǵyn aýdanynda ornalasqan. Keramıkalyq kirpishten salynǵan turǵyn úı kesheniniń qasbetin árleýge travertın qoldanylǵan. Bul óz kezeginde keshenge klassıkalyq kórinis beredi.
Nysan "Báıterek UBH" AQ enshiles uıymy – turǵyn úı qurylysyna kepildik berý qorynyń baqylaýymen salyndy. Qurylys kezinde 200-ge jýyq adam jumyspen qamtylǵan.
Mundaǵy páterlerdi "Turǵyn úı qurylys jınaq banki" AQ-nyń barlyq baǵdarlamalary jáne "7-20-25" arqyly satyp alýǵa bolady.