Bul derekti oblystyq polısııa departamentiniń baspasóz qyzmeti rastady.
Qyzylqoǵa aýdanyndaǵy Jasqaırat aýylynyń 40 jastaǵy turǵyny byltyrǵy qańtarda iz-túzsiz joǵalyp ketipti. Ata-anasyna eskertpeı ketken ulyn on aıǵa jýyq kútken ákesi sol jylǵy 22 kazanda Qyzylqoǵa aýdandyq polısııa bólimine júginipti.
«Aryz boıynsha polısııa qyzmetkerleri jan-jaqty izdestirý sharalaryn júrgizdi. Atyraý oblysynyń aýmaǵy men elimizdiń barlyq oblysy men aýdandaryna, qalalaryna izdeý týraly aqparat jiberilip, is-sharalar uıymdastyrylǵanmen nátıje bolmady. Biraq, aýdan polıseıleri izdestirý jumystaryn jalǵastyra berdi. Oblystyq polısııa departamentiniń bastyǵy Qamza Úmbetqalıev jedel keńesterde iz-túzsiz joǵalǵandardyń júrgen jerin anyqtaý, olardy taýyp, aǵaıyn-týystaryna tapsyrý boıynsha atqarylǵan is-sharalardy pysyqtap, izdestirý jumystarynyń oryndalýyn óziniń baqylaýyna aldy. Joǵalǵan qyzylqoǵalyq azamattyń deregi anyqtalmaǵany týraly ózge oblystardaǵy polısııa organdarynan jaýaptar keldi. Ad Qyzylqoǵa aýdandyq polısııa bóliminiń jedel ýákili issaparmen kórshiles Aqtóbe oblysyna shyǵyp, sondaǵy áriptesterimen aýdan aýmaqtaryna, alys shalǵaıdaǵy eldi mekenderge bardy. Sondaı issapar kezinde habarsyz ketken azamatty Muǵaljar aýdanynyń Qaıyńdy eldi mekeniniń aýmaǵynda dalalyqta mal baǵyp júrgen jerinen tapty» -dep habarlady deaprtamenttiń baspasóz qyzmeti.
Bireýdiń malyn baǵyp júrgen azamattyń aıtýynsha, aqsha tabý maqsatymen byltyrǵy qańtarda Aqtóbe qalasyna kelgen. Mundaǵy tanysy kómegimen dalalyqta mal baǵýǵa barǵan. Mobıldi baılanys telefonyn joǵaltyp, týystarynyń nómirlerin umytyp qalǵan.
«Bıyl jasy 41-ge tolǵan azamat úıine oralmaý sebebin kóbirek aqsha tapqysy kelgenimen baılanystyrdy. Al ózin eshkim baqtashy bolýǵa kúshtep ustamaǵanyn aıtty» -dedi departamenttiń baspasóz qyzmetinen.
Ulynyń aman-esen tabylǵanyna qýanǵan 70 jastaǵy zeınetker Qyzylqoǵa aýdanynyń polıseılerine alǵysyn bildirdi.