Mádenıet jáne sport mınıstrligi Til saıasaty komıteti men Shaısultan Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵy Qazaqstan halqy tilderi kúni merekesine oraı ult ustazy Ahmet Baıtursynulyna arnalǵan "Taǵzym men taǵylym" atty onlaın otyrys ótkizdi, dep habarlaıdy Egemen.kz.
Memleket basshysy Qasym-Jomart Toqaev Qazaqstan halqyna arnaǵan "Jańa jaǵdaıdaǵy Qazaqstan: is-qımyl kezeńi" atty jańa Joldaýynda: "Qazaq qoǵamynda jańa qaǵıdattar jáne jańa baǵdarlar saltanat qurýǵa tıis. Ult ustazy Ahmet Baıtursynuly: "Bilimdi bolýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek» deıdi. Bul kózqaras búgingi kúni óte mańyzdy" dep atap ótken edi.
Osy oraıda, joǵarydaǵy Prezıdent joldaýymen úndesip jatqan sharanyń quttyqtaý sóz aıtqan Mádenıet jáne sport vıse-mınıstri Nurǵısa Dáýeshov eki jyldan keıin týǵanyna 150 jyl tolǵaly otyrǵan ult ustazynyń esimin máńgi este qaldyrý maqsatynda alda atqarylar jumystarǵa toqtalyp, onlaın otyrysqa qatysýshylardy quttyqtady.
Mádenı oqıǵanyń moderatory Til saıasaty komıteti tóraǵasynyń orynbasary Ádilbek Qaba, Orfografıkalyq jumys toby buǵan deıin onshaqty otyrys ótkizgenin, bul óz kezeginde úlken talqylaýlarǵa ulasqanyn, al Onomastıkalyq komıssııanyń úsh otyrysynda elimiz boıynsha 500ataý ózgertilgenin, ıaǵnı saıasattyń salqyny tıgen kóptegen kóne ataýlar qalpyna keltirilip, qazaq tarıhy men mádenıetine qatysty tulǵalardyń esimi berilgeni jaıly kópshilikti habardar etti.
Jıyn ústinde "Ult ustazynyń taǵylymy" taqyrybynda baıandama jasaǵan Sh.Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵynyń atqarýshy dırektory Erbol Tileshov kesek oıdyń tıegin aǵytyp: "Tilder merekesi qazaq til ǵylymynyń atasy, ult ustazy Ahmet Baıtursynulynyń týǵan kúnine turaqtady. Bul óte mańyzdy. Tarıh arenasyna shyqqan kez kelgen halyq óz táýelsizdigi úshin kúresedi. Qazaq tarıhy da osyndaı azattyq arpalysyna tunyp tur. Reseı ımperııasy men qazaq halqynyń kúshi teń emes edi. Jaratqan ıemiz sol almaǵaıyp kezeńde halqymyzdyń kóz jasyna uly Abaıdy ómirge ákeldi. Odan keıin halqyna qalqan, jaýyna semser bolar alash azamattarynyń shoǵyry qazaq kógine shyqty. Solardyń ishinde Ahmet Baıtursynovty erekshe ataımyz" dedi.
Budan keıin Ahmet Baıtursynuly atyndaǵy Til bilimi ınstıtýtynyń dırektory Anar Fazyljanova, A.Baıtursynuly mýzeı-úıiniń dırektory Raıhan Imahanbet, Torǵaıdaǵy murajaılar kesheniniń basshysy Gúlbaný Sársekeıt.b.-lar ǵalym týraly oılaryn ortaǵa salyp, óz oılaryn aıtty.
Ul ustazyn ulyqtaý jıynynan túsingenimizÚkimet janyndaǵy respýblıkalyq Termınologııalyq komıssııasynyń buǵan deıin ekiotyrysy ótip, ár qaısysynda 500 astam termın maquldanypty. Bul degenińiz 1000 astam jańa termın qoldanysqa enip, tilimiz sonshalyqty sózben baıydy degen sóz.
Sonymen qatar bas qosý barysynda, qajyrly qaıratkerligi men eseli eńbekteri úshin Úkimeti janyndaǵy Respýblıkalyq termınologııalyq, onomastıkalyq komıssııasy músheleri, qazaq tili álipbıin latyn grafıkasyna kóshirý jónindegi Ulttyq komıssııa janyndaǵy Orfografııalyq, Ádistemelik, Termınologııalyq, Tehnıkalyq súıemeldeý jónindegi jumys toptarynyń músheleri, oblystyq tilderdi oqytý ortalyqtarynyń basshylary Mádenıet jáne sport mınıstriniń Alǵyshatyna, Til saıasaty komıteti tóraǵasynyń Qurmet gramotasyna ıe boldy.