Qazaqstan Prezıdenti Nursultan Nazarbaev «Nur Otan» partııasy tóraǵasynyń orynbasary Muhtar Qul-Muhammedti qabyldady, dep habarlady Aqordanyń baspasóz qyzmeti.
Kezdesý barysynda Elbasy memleket qurýdyń bastapqy kezeńinen bergi damý jolynda «Nur Otan» partııasynyń atqarǵan róli men eńbegine toqtaldy. Sondaı-aq, Memleket basshysy elimizdiń qoǵamdyq-saıası ómirine partııanyń belsene atsalysyp kele jatqanyn, onyń halyq aldyndaǵy bedeliniń jáne etnosaralyq qarym-qatynasty nyǵaıtýǵa qosqan úlesiniń zor ekenin atap ótti.
M.Qul-Muhammed Nursultan Nazarbaevqa partııanyń memlekettik baǵdarlamalardyń iske asyrylý barysyn baqylaý jónindegi jumysy týraly da baıandady. Qazaqstan Prezıdenti kezdesý qorytyndysy boıynsha birqatar naqty tapsyrma berdi.