Túrkistan oblysy, Saryaǵash aýdanyndaǵy "Arystanbab" joǵary kolledjiniń stýdentterine arnalǵan 100 oryndyq jańa jataqhana paıdalanýǵa berildi, dep habarlaıdy Egemen.kz
Zamanaýı úlgide boı kótergen jańa nysan barlyq jabdyqtarmen qamtamasyz etilgen. Eki qabatty nysannyń árbir bólmesi tórt adamǵa arnalǵan. Bólmelerdiń ishi jıhazben jabdyqtalyp, jýynatyn bólme salynǵan. Ǵımarattyń ashylý rásimine qatysqan aýdan ákimi Muhıt Otarshıev jańa jataqhananyń salynýy stýdentter úshin mańyzdy ekenin atap ótti.
"Jańa ǵımarat stýdentterdiń oqýyna jəne óz ýaqyttaryn jaıly jaǵdaıda ótkizýlerine múmkindik beredi. Shalǵaı aýyldardan kelip bilim alatyn stýdentter úshin barlyq jaǵdaıdy jasaýymyz qajet. Oqý ordasynyń stýdentteri bilimdi jáne beldi maman bolatynyna senemin", dedi aýdan ákimi.
Aıta keteıik, qazirgi tańda atalǵan kolledjde jastar 12 gýmanıtarlyq jáne medısınalyq mamandyqtar boıynsha bilim alýda. Búginde 1141 stýdentke 70 oqytýshy dáris berýde.
Túrkistan oblysy