Elbasy Qaýipsizdik Keńesiniń Tóraǵasy Bas prokýror Ǵızat Nurdáýletovti qabyldady, dep habarlaıdy Egemen.kz Elbasynyń baspasóz qyzmetine silteme jasap.
Kezdesý barysynda Nursultan Nazarbaevqa eldegi zańdylyq pen quqyqtyq tártiptiń ahýaly, sondaı-aq vedomstvonyń karantın kezindegi jumysy týraly baıandaldy.
Búgingi tańda barlyq ákimshilik hattamalardyń 73 paıyzǵa jýyǵy elektrondy formatta toltyrylatyny atap ótildi. Sonymen qatar, Ǵ.Nurdáýletov shaǵyn jáne orta bıznestiń jumysyn zańsyz tekserýdi aldyn alý úshin qabyldanyp jatqan sharalar týraly aıtty.
Bas prokýror Elbasyǵa azamattardyń áleýmettik-ekonomıkalyq saladaǵy quqyqtaryn qorǵaý baǵytynda júrgizilip jatqan jumystar men eldiń qylmystyq zańnamasyn izgilendirý nátıjeleri týraly esep berdi.