Siz ne deısiz?
Memlekettik qyzmet salasyndaǵy sońǵy ýaqyttaǵy ózgerister talap pen talǵamdy da kúsheıtti. El ishi munyń túpki qaıtarymyna senimdi. Sondaı-aq, bul qadam halyq qyzmetshisiniń mártebesin ósirýmen qatar, osynaý abyroıly saptyń qataryna úmitkerlerdiń yntasyn arttyra túskendeı ahýal baıqalady. Jýyrdaǵy aýyl ákimderiniń saılanyp qoıylýy da jurtshylyq kóńilinen shyǵyp otyr deýimiz kerek. Endeshe, memlekettik qyzmettiń sapalyq kórsetkishine oń yqpal jasaıtyn múmkindikter sheńberi keńeıe túspek. Demek, memlekettik qyzmet qanshalyqty qoljetimdi degen suraq barshany tolǵandyratyny anyq.
«Egemen Qazaqstan» gazetiniń Aqmola oblysy boıynsha tilshisi Baqbergen Amalbek oblystyq Tártiptik keńes tóraǵasy, Memlekettik qyzmet isteri jónindegi departament basshysy Qanat Álibekovke:
– Siz buǵan ne deısiz?
Siz ne deısiz?
Memlekettik qyzmet salasyndaǵy sońǵy ýaqyttaǵy ózgerister talap pen talǵamdy da kúsheıtti. El ishi munyń túpki qaıtarymyna senimdi. Sondaı-aq, bul qadam halyq qyzmetshisiniń mártebesin ósirýmen qatar, osynaý abyroıly saptyń qataryna úmitkerlerdiń yntasyn arttyra túskendeı ahýal baıqalady. Jýyrdaǵy aýyl ákimderiniń saılanyp qoıylýy da jurtshylyq kóńilinen shyǵyp otyr deýimiz kerek. Endeshe, memlekettik qyzmettiń sapalyq kórsetkishine oń yqpal jasaıtyn múmkindikter sheńberi keńeıe túspek. Demek, memlekettik qyzmet qanshalyqty qoljetimdi degen suraq barshany tolǵandyratyny anyq.
«Egemen Qazaqstan» gazetiniń Aqmola oblysy boıynsha tilshisi Baqbergen Amalbek oblystyq Tártiptik keńes tóraǵasy, Memlekettik qyzmet isteri jónindegi departament basshysy Qanat Álibekovke:
– Siz buǵan ne deısiz?
–Aldymen mynadaı derektermen tanystyraıyn. Búgingi kúni oblystyń 704 memlekettik organynda 6133 laýazymdy memlekettik qyzmetker tirkelgen. Olardyń ortasha jasy 40-tyń mańaıynda. Memlekettik qyzmetkerlerdiń 83 paıyzy joǵary bilimdi bolsa, 59 paıyzyn áıel azamatshalar quraıdy. Bıyl memlekettik qyzmet laýazymdarynyń reestrine ózgerister engizilgenin bilesiz. Atalǵan saladaǵy saıası jáne ákimshilik qyzmetkerleriniń arajigi aıqyndaldy.
Joǵaryda ózińiz aıtyp ótkendeı, talap kúsheıgen saıyn oǵan qyzyǵýshylyq ta arta túsedi. Biraq, qyzyǵýshylyqtyń astarynda nátıje jatýǵa tıisti. Qoljetimdilikti osy maǵynada túsingen durys dep bilemin. Iаǵnı, bul oraıda respýblıkalyq agenttik tarapynan jeńildik emes, qolaıly jaǵdaılar qarastyrylyp otyr dep túsiný kerek. Budan bylaı úmitker kezekti konkýrstyń jarııalanýyn tosyp otyrmaı-aq, ózine yńǵaıly kez kelgen ýaqytta memlekettik qyzmet organyna kelip, test tapsyra alady. «B» korpýsynyń kandıdattary úshin bekitilgen baǵdarlama boıynsha araǵa úsh aı salyp, qaıtadan testten ótý tártibi saqtalǵan. Sondaı-aq, sáıkes baǵdarlama nátıjeleri bir jyl kóleminde kúshin joımaıdy. Sertıfıkatqa ıe bolǵan azamattar memlekettik qyzmet organdary jarııalaǵan laýazymdy bos oryndar konkýrsyna qatysýǵa quqyly. Iаǵnı, konkýrs ótkizý merzimderi aıtarlyqtaı qysqaryp otyr.
Bizdiń oblysymyzda da belsendiliktiń artqandyǵy baıqalady. Máselen, jańa talaptar engizilgen merzimde 547 adam test synaqtaryna qatysty. Nátıje sonshalyqty joǵary demesek te, aldaǵy ýaqytta sannyń sapaǵa jol ashatynyna senýge bolady.
Aqmola oblysy.