Pavlodar qalasynyń "Kerýen" saýda úıinde órt shyqty, dep habarlaıdy Egemen.kz
"11 qyrkúıek kúni tańǵy saǵat 6:57-de Pavlodar qalasy Qamzın kóshesi, 171 mekenjaıyndaǵy "Kerýen" saýda úıinde órt shyqqany týraly habar kelip tústi. Ekiqabatty ǵımarattyń 1-qabatynda 4 býtık janǵan. Jalyn 40 sharshy metr aýmaqty sharpyǵan. О́rt saǵat 07:39-de sóndirildi", dedi "TJD О́rt sóndirý qyzmeti jáne avarııalyq-qutqarý jumystary" MM basshysy Súleımen Bımaǵambetov.
Oqıǵa ornynda jeke quramnyń 22 adamy men 6 tehnıka jumys istedi. О́rt kezinde zardap shekkender joq. Oqıǵanyń oryn alý sebebi anyqtalýda.