Búginde Almaty oblysy, Aqsý aýdanynyń Qyzylaǵash aýylynda jáne Shyǵys Qazaqstan oblysy aýmaǵynda bolǵan apattyń saldaryn joıý jáne qalpyna keltirý jumystaryna elimizdiń barlyq óńirleri qamqor qoldaryn sozýda.
Tabıǵı apattyń saldaryn joıý jáne qalpyna keltirý jumystaryna Qorqyt Ata atyndaǵy Qyzylorda memlekettik ýnıversıtetiniń ujymy men stýdentter qaýymy da óz kómek qolyn sozǵan bolatyn. Almaty oblysynyń Qyzylaǵash aýylynda tabıǵı apatqa ushyraǵandarǵa aǵymdaǵy jyldyń 25 naýryzy kúni ýnıversıtettegi “Turan” fılıalynyń “Nur Otan” HDP bastaýysh partııa uıymy músheleriniń atynan 500 myń teńge kólemde qarjylaı kómek jiberilgen.
Jaqynda ýnıversıtettiń oqytýshy-professorlar quramy, stýdentter kásipodaqtary komıteti, qoǵamdyq birlestikter men jastar uıymdary jetekshileriniń bastamasymen Shyǵys Qazaqstan oblysy, Tarbaǵataı aýdanyndaǵy tabıǵı apat saldarynan zardap shekkenderdi qoldaýǵa baǵyttalǵan “Tarbaǵataıǵa tartý” atty aksııa bolyp ótti. Aksııaǵa 450 stýdent jáne oqytýshy-professorlar qatysty. Aksııa barysynda ýnıversıtet ujymy múshelerinen erikti túrde gýmanıtarlyq kómek retinde 432 340 teńge kóleminde qarajat jınalyp, Kaspıı banktiń О́skemendegi fılıalynda arnaıy ashylǵan qordyń esebine aýdarylǵan. Sonymen birge, tabıǵı apat saldarynan zardap shekken mektepterdiń kitaphana qoryna arnap quny 311 305 teńgeni quraıtyn 620 dana barlyq synyp oqýlyqtary men balalar ádebıeti alynyp, apat aımaǵyna jetkizilý úshin “Nur Otan” HDP oblystyq fılıalyna tapsyrylǵan. Buǵan qosa, Shyǵys Qazaqstan jáne Almaty oblystaryndaǵy qalpyna keltirý jumystaryna qatysý úshin ýnıversıtettiń 30 stýdentinen “Syr ulandary” atty qurylys jasaǵy qurylyp, jıyn ústinde sóz alǵan jasaq komandıri Qarshyǵa Rahymjan óz jasaǵynyń apat aımaǵyna barýǵa daıyn ekendigin málimdedi.
Atalǵan aksııa jastardyń patrıottyq sezimderin oıatyp, olardy eljandylyqqa, otansúıgishtikke tárbıeleýde barynsha mańyzdy bolǵanyn aıryqsha atap ótý lázim.
Erkin ÁBIL, Qyzylorda.