Túrkistan oblysy Otyrar aýdanynda uzaq jyldar boıy tozyǵy jetken úıde turǵan jalǵyzbasty anaǵa aýdannyń erikti jastary baspana salyp berdi, dep habarlaıdy Egemen.kz.
Kóksaraı aýylynyń turǵyny Esenkúl Álibaevanyń jaǵdaıymen tanysqan 1995 jyly týǵan aýyl jastary birigip, jańa baspananyń irgetasyn quıyp bergen. Sóıtip erikti jastar qaıyrymdylyq estafetasyn aýyldas aǵa-inilerine joldaǵan.
Bul erekshe bastamaǵa ún qosqan 1982 men 1998 jylǵy aýyl jastary qarjy jınap, keıýanaǵa jańa baspana salyp berdi. Osylaısha uıymshyl jastar qamkóńil otbasyǵa qýanysh syılady.
Aıta ketelik, bıyl óńirde júzege asyrylyp jatqan "Qamqorlyq" baǵdarlamasy aıasynda demeýshilerdiń kómegimen Otyrar aýdanynda az qamtylǵan 10 otbasy baspanaly boldy. Sondaı-aq tozyǵy jetken eki baspana kúrdeli jóndeýden ótip, qaıta jańǵyrtyldy.