AQSh Joǵarǵy sotynyń múshesi Rýt Beıder Gınzbýrg 87-ge qaraǵan shaǵynda qaıtys boldy. Onyń qaterli isikke shaldyǵyp, naýqastanyp júrgenine biraz ýaqyt bolǵan-dy.
Gınzbýrg – AQSh tarıhyndaǵy Joǵarǵy sot sýdıasy atanǵan ekinshi áıel. Ol bul qyzmetti 1993 jyldan atqaryp keldi. Sol kezdegi AQSh prezıdenti Bıll Klınton ony Joǵarǵy sot sýdıasy retinde taǵaıyndady. Gınzbýrg áıel quqyǵy men genderlik teńdik úshin kúresken sýdıa retinde tanylǵan.
Rýt Beıder Gınzbýrg 1933 jyly Nıý-Iork qalasynda dúnıege kelgen. Ol AQSh-tyń bedeldi oqý oryndary Kornell, Garvard jáne Kolýmbııa ýnıversıtetterinde bilim alǵan. Oqýyn aıaqtaǵan soń advokat retinde qyzmet etip, áıelderdiń quqyǵyn jáne dıskrımınasııaǵa tap bolǵan azamattardyń quqyqtaryn qorǵaýmen aınalysty.