Aqparat jáne qoǵamdyq damý mınıstrliginiń qoldaýymen qurylǵan Stopfake.kz resýrsy 100-den astam jalǵan habarlamalardy áshkereledi, dep habarlaıdy Egemen.kz mınıstrliktiń baspasóz qyzmetine silteme jasap.
Jańa aqparattyq resýrs jumys istegeli bergi 2 aı ishinde 91 jalǵan habarlamalardyń teriske shyǵarylýy jarııalandy, al 37 taqyryp boıynsha túsiniktemeler berildi.
Jalǵan aqparattar men jańalyqtardyń, burmalanǵan málimetterdiń basym bóligi medısına taqyryby men áleýmettik medıa alaıaqtyqpen baılanysty boldy.
Stopfake.kz jobasynyń ózi jelide jalǵan aqparattyń taralýyn toqtatý jáne shatasýlar men túsinbeýshilikterdiń deńgeıin tómendetý, sonymen qatar oqyrmandarǵa synı oılaýdyń mańyzdylyǵyn eske salý úshin jasaldy.