Qazaqstandyq kásipqoı boksshy Batyr Júkembaev (18-0, 14 KO) ózbekstandyq bylǵary qolǵap sheberi Shohjahon Ergashevpen (18-0, 16 KO) judyryqtasýdan bas tartqan. Bul týraly Kanadanyń Journaldemontreal.com saıty málimdedi.
Basylymnyń jazýynsha, Júkembaevtyń promoýteri Kamıl Estefan boksshynyń bapkerine kelisimshart usynǵanda jattyqtyrýshy usynysty qýana qabyldaǵan. Tipti ol bul aıqasta Batyr Júkembaevtyń jeńiske jetetinine senimdi bolǵan. Alaıda qazaqstandyq boksshy Ergashevpen kezdeskisi kelmegen.
Batyr Júkembaev kásipqoı bokstaǵy sońǵy jekpe-jegin osy jyldyń qańtar aıynda Monrealda (Kanada) ótkizip, meksıkalyq boksshy Rıkardo Larany (22-8, 10 KO) ekinshi raýndta nokaýtpen jeńgen edi.