Jelge ushqan mıllıardtar

Prezıdent aıtýdaı-aq aıtyp jatyr. Úkimetke, jergilikti ákimderge kemshilikterin kórsetip, tapsyrma berip jatyr. Biraq Úkimettiń qımyly, serpini baıaý. Bárin tas-túıin etemiz dep ýádeni úıip-tógip be­redi de, artynan sıyrquıymshaqtanyp ketedi. Mıllıardtaǵan el qar­jy­synyń qaıtarymsyz qurdymǵa ketip jatqanyna qabyrǵalary qaıy­sa qoımaı ma dep kúdiktenesiń. Bul rette mysal degen shashetekten.

Prezıdent aıtýdaı-aq aıtyp jatyr. Úkimetke, jergilikti ákimderge kemshilikterin kórsetip, tapsyrma berip jatyr. Biraq Úkimettiń qımyly, serpini baıaý. Bárin tas-túıin etemiz dep ýádeni úıip-tógip be­redi de, artynan sıyrquıymshaqtanyp ketedi. Mıllıardtaǵan el qar­jy­synyń qaıtarymsyz qurdymǵa ketip jatqanyna qabyrǵalary qaıy­sa qoımaı ma dep kúdiktenesiń. Bul rette mysal degen shashetekten.

Úkimet óz aldyna, ár deńgeıdegi ákimder de memleket qarjysyn baqylaýda selqos. Mysaly, «Aýyz sý» baǵdarlamasy segiz jyl boıy kóbine qaǵaz júzinde atqarylyp, naqty aıtarlyqtaı is tyndyrylmaǵanyn el-jurt biledi. Jergilikti basshylardyń birqatary joǵary jaqqa jalǵan aqpar berip, kózboıaýshylyqqa salynǵan. Kópshiligi isti bolyp ta jatyr. Osy baǵdarlama qurdymǵa ketken óńirler qatarynda Soltústik Qazaqstan oblysy da bar. О́tken jyly naq osy ýaqytta Elbasy oblysta «Aqbulaq» baǵdarlamasy boıynsha atqarylýy tıis jumystardy iske asyra almaǵany, eń soraqysy, jumys istemeıtin 14 nysan týraly jalǵan málimet bergeni úshin oblystyń sol kezdegi basshysyna sógis arqalatyp jibergen edi.

Bylaıǵy jurt osydan keıin shirengen sheneýnikter aıyldaryn jııatyn, táýbesine keletin shyǵar dep oılaǵan. Qaıda?! «Qarǵa qarǵanyń kózin shuqymaıdy» degen ras eken, qonyshynan bassam óz etigim degendeı, bólingen aqshany ońdy-soldy shashyp, óńir halqynyń jartysyn taza aýyzsýsyz qaldyrǵan basshy ákimdik tizgininen aıyrylǵanymen, ekinshi bir jumsaq oryntaqqa qonjııa ketti. Jelge ushqan 7 mıllıard teńgege jýyq (keı derekterde 10 mıllıard) qarjynyń qaıda ketkenin izdegen de eshkim bolǵan joq. Jeti mıllıard jeti teńge emes qoı, sýdyń da suraýy bar emes pe?! Osyndaıda quqyq qorǵaý organdary qaıda qarap otyr degen saýal da oıǵa oralady. Saıyp kelgende, munyń ózi Elbasy tapsyrmasyn oryndaýǵa jaýapty adamdardyń ózderi tikeleı mindetterine enjar qaraǵanyn kórsetedi.

Soltústik Qazaqstan oblysy­nyń Aqqaıyń aýdanynda merdiger kompanııa eski irgetasqa ornata salǵan sý taratatyn munara iske qosylǵanmen, bir jarym aı ót­peı jatyp qulap qalyp, biraz shý týǵyzǵan edi. Aqyry, ol da jabýly qazan jabýly kúıinde qaldy. Endi Petropavl qalasynda qyrýar qarjy jumsalyp, memlekettik baǵdarlama boıynsha salynǵan eki birdeı kópqabatty úı qulaýdyń az-aq aldynda tur. Mamandar bul úıler túptiń-túbinde Qaraǵandydaǵy «Besobanyń» kebin kıedi deıdi. О́ıtkeni, qalalyq ákimdiktegilermen aýyz jalasqan bas merdiger jobadan aýytqyp, mundaı ǵımarattarǵa arnalmaǵan arzanqol materıaldardy, atap aıtqanda, irgetasyna jobaǵa saı myqtylyǵy 250 markaly sement emes, 150 markaly sement qoldanǵan. «Al qabyrǵalardy bekitýge qajetti temir symnyń da jýandyǵy 24 mıllımetr emes nebary 12 mıllımetr ǵana bolyp shyqty. Bul materıaldar mundaı toǵyz qabatty úıdi kóterip tura almaıdy», deıdi olar.

Bir ókinishtisi, sol úılerdiń birinde qazir 90 otbasy shybyn jandaryn shúberekke túıip, turyp jatyr. О́ıtkeni, bul olardyń talaı jyl kezekte turyp qol jetkizgen baspanalary, basqa baratyn jerleri joq. Al onyń janyndaǵy 126 páterlik úı múldem paıdalanýǵa jaramsyz dep tanylyp, qańyrap bos tur. Bul úılerdi salýǵa kezinde qazynadan bir mıllıard teńge bólingen. Endi onyń bári jelge ushty. Osyndaı jónsizdikke jol bergender zań aldynda áli jaýap bergen joq. Osy sııaqty soraqylyqtarǵa jol bergen basshylardy Úkimet nege tártipke shaqyrmaıdy?

Erbolat ShYNTEMIR.