Bıyl aýdanda 710 gektar egistik jer aınalymǵa qosyldy. Nátıjesinde 65 774 gektar jer ıgerilip, jospar artyǵymen oryndalyp otyr. Bul jospar negizinen jerdi bir sanattan ekinshi sanatqa, ıaǵnı jaıylym jerlerdi sýarmaly jerge ózgertý jáne tálimi jerlerge baý, jylyjaı sharýashylyqtaryn júrgizý esebinen oryndaldy.
Sońǵy jyldary aýdanda jylyjaı sharýashylyǵymen aınalysatyn kásipkerlerdiń sany artyp keledi. Máselen, 8 aıdyń ishinde 11 gektar jerge jylyjaı salynyp, jospar 73 paıyzǵa oryndaldy. Jalpy aýdandaǵy jylyjaı kólemi 83 gektarǵa jetken. Onyń 21-i óndiristik, 62 gektary fermerlik jylyjaılarǵa jatady. Olardan búginge deıin 4 708 tonna ónim jınaldy. Onyń 3 621,5 tonnasy qııar, 1 086,5 tonnasy qyzanaq.
Sondaı–aq, aýdan halqyn jylyjaı óndirýmen aınalysýdy turaqty qamtamasyz etý, halyqty turaqty jumyspen qamtý maqsatynda aǵymdaǵy jyly Shubar sý aýyl okrýginen "Shubar sý jylyjaı aımaǵyn qurý jobasy" qolǵa alynyp, 15 ga jer telimi bólindi.
Aıta keteıik, ústimizdegi jyldyń 8 aıynda aýyl sharýashylyǵy salasyna 4 mlrd. 644 mln. teńge ınvestısııa tartyldy. Bul ótken jyldyń tıisti kezeńimen salystyrǵanda 2 esege arttyq.
Aýdan boıynsha jalpy syıymdylyǵy 38 myń 050 tonna bolatyn 16 birlik qoımalar bar. Onyń ishinde 7 qoıma sıymdylyǵy 8 950 tonnalyq kókónis saqtaıtyn, 9 qoıma sıymdylyǵy 29 myń 100 tonnalyq astyq saqtaýǵa arnalǵan.
Bul qoımalar qajettilikti tolyq qamtamasyz etpeıdi. Sondyqtan aǵymdaǵy jyly Badam aýyl okrýginen "Aleksandrovskıı sad" JShS-niń jemis-jıdek ónimderin bastapqy óńdeýmen aınalysatyn sıymdylyǵy - 1670 tonna. ınvestısııalyq quny 815 mln. teńgeni quraıtyn zamanaýı qoımasy iske qosylatyn bolady.