Birikken Ulttar Uıymy búgingi tańda Sırııa halqynyń 40 paıyzy gýmanıtarlyq kómek ala almaı otyr dese, buǵan el bıligi búlikshiler kináli dep málimdedi. О́ıtkeni, Sırııaǵa kelip jatqan gýmanıtarlyq kómekter búlikshiler shekarasynan ári asa almaýda kórinedi.
Birikken Ulttar Uıymy búgingi tańda Sırııa halqynyń 40 paıyzy gýmanıtarlyq kómek ala almaı otyr dese, buǵan el bıligi búlikshiler kináli dep málimdedi. О́ıtkeni, Sırııaǵa kelip jatqan gýmanıtarlyq kómekter búlikshiler shekarasynan ári asa almaýda kórinedi.
Jalpy, qazirgi tańda Sırııa halqynyń 6,5 mıllıony el ishindegi bosqyndarǵa aınalǵan. Sebebi, eldiń birqatar aýmaqtarynda tynyshtyq joq. Alaıda, resmı bılik ózderiniń osy baǵytta qoldarynan kelgenniń bárin jasap jatqandaryn kóldeneń tartady. Sonyń bir aıǵaǵy retinde eldegi búldirshinderdiń barlyǵy vaksınasııadan ótkizilmekshi eken. BUU bolsa, AQSh-tyń aıtqanynan shyǵa almaıtynyn baıqatyp, eldegi kúrdeli jaǵdaıdyń bárine tek bılikti kináli sanaıdy.
Kóterilisshiler jeńilisterin moıyndady
Kongodaǵy M23 dep atalatyn kóterilisshiler toby Kongo Demokratııalyq Respýblıkasy úkimetine qarsy soǵysta ózderiniń jeńilgenderin moıyndady. Olar taratqan málimdemede jeńilisterin moıyndaı kele, qarýly qaqtyǵystardy tolyqtaı toqtatatyndary jáne áskerı bólimshelerdi taratatyndary kóldeneń tartylady.
Kóterilisshiler mundaı málimdemelerin eldiń shyǵysyndaǵy aýyr urystardan bir kún ótken soń jasady. Osy aralyqta el úkimeti M23-ti tolyq jeńgeni týraly habarlap úlgerdi. Kóterilisshiler Kongonyń mıneraldy resýrstarǵa baı aýdanynda ótken jyly is-qımyl tanyta bastaǵan bolatyn. Onyń negizin bıleýshi toptardaǵy ózderiniń jaǵdaılaryna razy emes týtsı taıpasynan shyqqan adamdar quraǵan edi. M23 bólimshelerin talqandaýǵa osy óńirde ornalasqan BUU kontıngenti kómek qolyn sozǵanyn da aıta keteıik.
Kım Chen Ynnyń tátesi AQSh-qa qashty
Soltústik Koreıa basshysy Kım Chen Ynnyń tátesi AQSh-tan saıası baspana tapqan. Bul týraly «Frans-press» agenttigi habarlady. Kım Chen Ynnyń sheshesiniń sińlisi Ko En Sok qazirgi kezde AQSh-ta turyp jatyr eken.
Qurama Shtattar Soltústik Koreıa basshysy otbasynyń múshesin elde qabyldaýǵa kelisimin bergen. Keıbir derekterge qaraǵanda, Kım Chen Ynnyń tátesi men onyń jubaıyna bet-álpetin ózgertý boıynsha operasııa da jasalypty. Buǵan qosa, arnaıy qorǵanys baǵdarlamasy usynylsa kerek. Ko En Sok búginde 54 jasta. Ol Kım Chen Irdiń úshinshi áıeli Ko En Hıdiń sińlisi bolyp tabylady. Ko En Hı 2004 jyly 51 jasynda rak aýrýynan qaıtys bolypty.
О́zbekstandyqtyń jazyǵy ne eken?
О́zbekstannan kelgen gastarbaıter keshe Sankt-Peterbýrgte ólim qushqan. Oǵan shabýyl shamamen tús aýa «Rybaskoe» metro stansasy janynda jasalypty. О́zbekstandyqtyń birneshe pyshaq jaraqatynan qaza tapqany belgili bolyp otyr.
Polısııadaǵylardyń aıtýynsha, gastarbaıterge ultshyldarǵa tán kıim kıgen adamdar shabýyl jasaǵan. Tergeýshiler qazirgi kezde beınebaqylaý kameralarynyń jazbalaryn qarap jatsa kerek. Buǵan deıin habarlanǵanyndaı, dúısenbide atalyp ótken Halyqtyq birlik kúni Sankt-Peterbýrgte 50-den astam adam tutqynǵa alynǵan bolatyn. Olar kóshelerdegi ulty orys emesterge qyr kórsetip, ózderin óte-móte ádepsiz ustaǵan edi.
Kasparov Latvııa azamattyǵyn surady
Shahmattan burynǵy álem chempıony Garrı Kasparov ózine Latvııa azamattyǵy berilýin surady. Osyǵan sáıkes hatty Latvııa parlamentindegi barlyq fraksııalar alǵan. G.Kasparov óziniń ótinishin Latvııaǵa sińirgen erekshe eńbegimen baılanystyrady.
Biraq burynǵy álem chempıony ózindegi Reseı azamattyǵyn da saqtap qalǵysy keledi eken. Al bul másele qashan qaralatyny ázirshe belgisiz. G.Kasparovtyń 1963 jyly Bakýde týǵany belgili. Ol – álemdegi asa belgili jáne ataqty shahmatshylardyń biri. Sońǵy jyldary saıasatpen belsendi aınalysyp júr. Qazirgi kezde G.Kasparov Reseıden ketip úlgergen. Sebebi, ony Tergeý komıteti áńgimege shaqyrǵan kórinedi. Tergeý tarapynan shahmatshyǵa qatysty naqty qaı másele boıynsha suraq týyndaǵany belgisiz.
Úndistan Marsqa apparat ushyrdy
Alǵashqy úndi apparaty bar zymyran Marsqa ushyryldy. Ol «Mangalıan» dep atalady jáne atalǵan planetany zertteý úshin ushyrylyp otyr. Apparat ushyrylǵannan keıin 43 mınýt ótken soń zymyrannan baǵdarlamaǵa sáıkes bólinip shyqty.
«Mangalıan» Mars traektorııasyna 30 qarasha kúni shyǵady dep kútilýde. Apparatty ushyrý úshin Úndistan ǵarysh agenttigi 1990-jyldardyń basynda jasaǵan PSLV zymyran ushyrǵyshy paıdalanylǵan. Sóıtip, Úndistan qyzyl planetaǵa zertteý apparatyn óz betinshe jasap ushyrǵan AQSh pen Reseıden keıingi úshinshi memleket bolyp otyr. Jer seriginiń salmaǵy 1 tonnadan sál assa, ǵylymı apparatýranyń salmaǵy bar-joǵy 15 kılogramm kórinedi. Qalǵan salmaq janarmaı men «Mangalıan» korpýsynyń úlesinde.
Oıǵa alǵandary oryndalmady
Taraz shekara otrıadyndaǵy «Sypataı batyr» zastavasynyń narıady Qazaqstan-Qyrǵyzstan shekarasy mańynda 8 bas ıesiz qalǵan múıizdi iri qara malyn, dálirek aıtqanda, buqalaqtardy ustady. Oqıǵa Qazaqstannyń memlekettik shekarasynan birneshe metr jerde ǵana oryn alǵan.
Maldy belgisiz 2-3 salt atty Qyrǵyzstannan Qazaqstanǵa aıdap ótpekshi bolǵan. Barymtashylar buqalaqtardy shekaradan endi ǵana aıdap ótpek bolǵan kezde shekara narıadyn kórip qalyp, Qyrǵyzstan aýmaǵynda jasyrynǵan. Atalǵan fakt boıynsha quqyq qorǵaý organdaryna habar berildi, tekserý jumystary bastalyp ketti, dep habarlady Qazaqstan Respýblıkasy Ulttyq qaýipsizdik komıteti Shekara qyzmetiniń baspasóz qyzmeti.
Internet materıaldary negizinde ázirlendi.