Ispanııadaǵy San-Sebastıan qalasynda ótip jatqan halyqaralyq festıvalda fransııalyq rejısser, ssenarııshi jáne akter Ejen Grın medısınalyq maska taǵýdan bas tartqany úshin akkredıtasııadan aıyrylyp, baıqaýdan shyǵaryldy, dep habarlaıdy Egemen.kz
Uıymdastyrýshylardyń aıtýynsha, fılmin kórsetý kezinde rejısserdiń maska taǵý bes ret suraldy, biraq Grın bas tartqan. Aqyry fransııalyq rejısser zaldan qýyldy. Basylym málimetinshe, jergilikti quqyq qorǵaý organdary akterdi oǵan shaǵym túsiriletini jaıynda eskertken.
28 tamyzda Parıj bıligi qala turǵyndaryn kóshede júrgende maska taǵýdy mindettegen bolatyn. Al 26 tamyzda mundaı sheshimdi Marsel bıligi de qabyldady. Kóshede nemese dúkende maskasyz júrgenderge 135 eýro kóleminde aıyppul salynady. Erejeler qaıta buzylsa, aıyppul somasy 1,5 myń eýroǵa deıin kóbeıýi múmkin.